ဘိန်းရှုကိရိယာများနှင့် ဘိန်းစိမ်းများ ဟောင်လိတ်အုပ်စု ရန်အောင်မြေ၌ ဖမ်းဆီးရရှိ

Friday, February 21, 2014

ဘိန်းရှုကိရိယာများနှင့် ဘိန်းစိမ်းများ ဟောင်လိတ်အုပ်စု ရန်အောင်မြေ၌ ဖမ်းဆီးရရှိ

Writen by Tachileik News Agency 4:03 AM - 0 Comments

တာချီလိတ်မြို့၊ ဟောင်လိတ်ကျေးရွာအုပ်စု၊ ရန်အောင်မြေ(၂)ရပ်ကွက်၌ မူးယစ်တပ်ဖွဲ့စု(၃၀)တာချီလိတ် ပါဝင်သည့် ပူးပေါင်းအဖွဲ့မှ ယနေ့ ဖေဖော်ဝါရီလ(၂၁)ရက် ညနေ(၄း၃၀)နာရီအချိန်ခန့်က ဘိန်းရှုကိရိယာများနှင့်အတူ ဘိန်းစိမ်းများအား တရားခံနှင့်အတူ ဖမ်းဆီးရရှိကြောင်း သတင်းရရှိသည်။

အဆိုပါ ပူးပေါင်းအဖွဲ့တို့သည် ရန်အောင်မြေ(၂)ရပ်ကွက်နေ အိမ်အမှတ်(--)ရှိ အသက်(၄၆)နှစ်ရှိ ဦးအားလောင်xxx(ကျား)၏ နေအိမ်အား မူးယစ်ဆေးဝါးသတင်းအရ ၀င်ရောက် စစ်ဆေး ရှာဖွေရာမှ ဘိန်းစိမ်းအလေးချိန် (၂၁၄)ဂရမ် နှင့် ဘိန်းရှုကိရိယာများဖြစ်သည့် ဘိန်းရှူပြောင်း(၁)ခု၊ ဘိန်းထိုးတံ(၁)ခု၊ ဓါး(၁)ချောင်း၊ ဆီမီးခွက်(၁)ခုနှင့် မီးခြစ်(၁)ခုတို့အား ရှာဖွေတွေ့ရှိရသည့်အတွက် ဦးအားလောင်xxxအား တာချီလိတ်မြို့မရဲစခန်းမှ မယ(ပ)၃၁/၂၀၁၄၊ မူး/စိတ်ပုဒ်မ ၁၅/၁၉(က) အရ အမှုဖွင့်အရေးယူ ဆောင်ရွက်ထားရှိကြောင်း သတင်းရရှိသည်။