ယနေ့ ဇန်န၀ါရီလ(၂၄)ရက် နံနက် (၈း၃၀)နာရီအချိန်က တာချီလိတ်မြို့၊ မကာဟိုခမ်းရပ်ကွက်၊ မေဖလားဝါးကွင်းအနီးရှိ ကျောင်းအုပ်ဆရာကြီး ဦးခင်မောင်မြင့် ဦးစီးတည်ထောင်ထားသော ရွှေမဟာကိုယ်ပိုင်အထက်တန်းကျောင်း၌ ဆရာ/ဆရာမများနှင့် ကျောင်းသား/သာများအား အသိပညာပေး ဟောပြောပွဲတစ်ရပ် ကျင်းပပြုလုပ်ခဲ့ကြောင်း သိရသည်။

အဆိုပါဟောပြောပွဲတွင် တာချီလိတ်မြို့နယ်ယာဉ်ထိန်းရဲတပ်ဖွဲ့၊ ရဲအုပ်သန်းဇော်လင်း မှ ယာဉ်စည်းကမ်း၊ လမ်းစည်းကမ်းများနှင့် ပတ်သက်သည့် အကြောင်းအရာများအား လည်းကောင်း၊ လူကုန်တားအဖွဲ့မှ တာဝန်ခံ ဒုရဲမှူးယဉ်ယဉ်အေး နှင့် ရဲအုပ်မင်းအောင် တို့မှ လူကုန်ကုန်းမှုတားဆီးနှိမ်နင်းရေးနှင့် ပတ်သက်သည့် အကြောင်းအရာများအား လည်းကောင်း၊ ဝေါဗွီရှင်း(မြန်မာ)အဖွဲ့ နန်းဒေါ်လီစိုး မှ လူငယ်များအပေါ် ပြန်လည်ထူထောင်ရေးလုပ်ငန်းများ ဆောင်ရွက်နေမှုအခြေအနေများအား လည်းကောင်း၊ တာချီလိတ်မြို့နယ်ရဲစခန်းမှ နယ်ထိန်းခေါင်းဆောင် ဒုရဲအုပ်မြင့်ထွေး က မှုခင်းကျဆင်းရေးနှင့် ပတ်သက်သည့် အကြောင်းအရာများကို လည်းကောင်း မူးယစ်တပ်ဖွဲ့စု(၃၀) တာချီလိတ်၊ အဖွဲ့ခေါင်းဆောင် ရဲအုပ်မြင့်နိုင်ဦး မှ မူးယစ်ဆေးဝါး တားဆီးနှိမ်နင်းရေး လုပ်ငန်းများကို လည်းကောင်း ဟောပြောပို့ချခဲ့ရာ ဟောပြောပွဲသို့ ရွှေမဟာကိုယ်ပိုင်အထက်တန်းကျောင်းမှ ဆရာ/ဆရာမနှင့် ကျောင်းသား/သူ စုစုပေါင်း (၆၀၀)ခန့် တက်ရောက်ခဲ့ကြောင်း သိရှိရသည်။

~⊱•❈❀ღ✿⊰❂⊱✿ღ❀❈•⊰~

Tachileik Online News

web: www.tachileik.net

Facebook: www.fb.com/TachileikNews

Youtube: www.youtube.com/TachileikNews

Email: tachileik@tachileik.net

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~

~~~~~~~~~~~~~~~~~~ ~~~~~~~~~~~~~~~~~~~~

(၁၆)ကြိမ်မြောက်အပြည်ပြည်ဆိုင်ရာ မူးယစ်ဆေးဝါး အလွဲသုံးမှု တရားမ၀င်ရောင်းဝယ်မှုတိုက်ဖျက် ရေးနေ့ အကြိုဟောပြောပွဲကို ဇွန် ၁၁ ရက် နေ့ နံနက် ၉ နာရီတွင် ဟောင်လိတ် အခြေခံပညာအထက် တန်းကျောင်းနှင့် မွန်းလွဲ (၁)နာရီတွင် ပုန်းထွန်အခြေခံပညာအလယ်တန်းကျောင်းတို့တွင် ဟောပြောသည်။

ဟောပြောပွဲတွင် မြို့နယ်ဥပဒေအရာရှိ ဦးအတူးက မူးယစ်ဆေးဝါးဆိုင်ရာဥပဒေ အကြောင်းကိုလည်းကောင်း၊ မြို့နယ်စာရေးဆရာအသင်းအဖွဲ့ဝင် ဦးဝေယံဦး(နေတစ်စင်း) က သိခြင်း၊မသိခြင်းနှင့်မူးယစ်ဆေးဝါးအန္တရာယ် ခေါင်းစဉ်ဖြင့်လည်းကောင်း၊ ကျန်းမာရေးမှူး ဦးခင်မောင်ကျော်က မူးယစ်ဆေးဝါးသုံးစွဲမှုကြောင့်ဖြစ်ပေါ်လာသော ရောဂါလက္ခဏာများကိုလည်းကောင်း၊ မူးယစ်ဆေးဝါးဆန့်ကျင်ရေးအသင်း အတွင်းရေးမှူး ဦးသိန်းထွန်းက မူးယစ်ဆေးဝါး ဆန့်ကျင်ရေးဆောင်ရွက်မှု အခြေအနေများကိုလည်းကောင်း၊ ခရိုင်ပြန်ကြားရေး နှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဦးမောင်ကြည်က မူးယစ်ဆေးဝါးဆိုင်ရာသတင်းအချက် အ လက်များကို လည်းကောင်း၊ တာချီလိတ်မူးယစ်(အထူး)အဖွဲ့ ရဲအုပ်မြင့်လွင်က မူးယစ်ဆေးဝါးအကြောင်းနှင့် ဖမ်းဆီးရရှိမှု အခြေအနေ များကိုလည်းကောင်း အသီးသီးဟောပြောကြသည်။

ဟောပြောပွဲအား ဇွန် ၁၀ ရက် နေ့က တာချီလိတ် အထက နှင့် ဆန်ဆိုင်းအ.ထ.က တို့တွင် ဟောပြောခဲ့ကြပြီး ဇွန် (၁၂) ရက်နေ့တွင် မိုင်းကိုး အ.ထ.က နှင့် ဇွန် (၁၃) ရက်နေ့တွင် ၀မ်ပုံမူလွန်ကျောင်းတို့၌ ဆက်လက်ဟောပြောမည်ဖြစ်ကြောင်း သိရှိရသည်။

သတင်းပေးပို့သူ။       ။ မောင်ဆွေငြိမ်း

ပုံများကိုကြည့်ရန်
တာချီလိတ်၌ မူးယစ်ဆေးဝါးတိုက်ဖျက်ရေးနေ့အကြို ဟောပြောမှုများပြုလုပ်

40 photos

Tachileik Online News

www.tachileik.net

၆.၆.၂၀၁၂ နံနက် ၉နာရီ၃၅မိနစ်တွင် ကိုမင်းကိုနိုင် အပါအ၀င် ၈၈မျိုးဆက်ကျောင်းသားခေါင်းဆောင် (၈)ဦးတို့ တာချီလိတ်မြို့ရှိ အမျိုးသားဒီမိုကရေစီအဖွဲ့ချုပ်ရုံးသို့ သွားရောက်ပြီး NLDအဖွဲ့များကို တစ်ဦးချင်းစီအလိုက် မိတ်ဆက်ပြီး နိုင်ငံရေးအသိအမြင်များကို ပြောကြသွားတဲ့ ဗီဒီယိုမှတ်တမ်းဖြစ်ပါတယ်။ ( ၄၅ )မိနစ်စာခန့်ရှိသော ဗီဒီယိုမှတ်တမ်းကို (၃)ပိုင်းခွဲပြီး တင်ပေးထားပါသည်...။

ဗီဒီယို မှတ်တမ်းများကို ဖုန်းနဲ့ရိုက်ထားတာတွေဖြစ်တာကြောင့် တုန်ခါမှုများ မကြည်လင်မှုများရှိခဲ့ပါက သီးခံကြည့်ရှုပေးကြပါ။

အပိုင်း ( ၁ )


အပိုင်း ( ၂ )


အပိုင်း ( ၃ )

ကျေးဇူးတင်ပါသည်
တာချီလိတ်အွန်လိုင်းစာမျက်မှာ
www.tachileik.net

6.6.2012 နံနက်ပိုင်း၌ တာချီလိတ်မြို့ရှိ အမျိုးသားဒီမိုကရေစီအဖွဲ့ချုပ်ရုံးသို့ ၈၈မျိုးဆက် ကျောင်းသားခေါင်းဆောင်များနှင့် အမျိုးသားဒီမိုကရေစီအဖွဲ့ချုပ်(တာချီလိတ်)၏ အဖွဲ့ဝင်များ တွေ့ဆုံရာ မီဒီယာပိုင်းနှင့်ပတ်သက်၍ တာချီလိတ်မြို့မှ တာချီလိတ်အွန်လိုင်းစာမျက်နှာ ရှိတာ ဒီကိုရောက်မှ သူတို့အနေဖြင့် သိရကြောင်းနှင့် တာချီလိတ်သတင်းအနေနဲ့ ဆက်လက်တိုးချဲ့ လုပ်ဆောင်သွားနိုင်ရန်အတွက် အားပေးအမှာစကားပြောကြားသွားသည့် ဗီဒီယိုမှတ်တမ်းဖြစ်ပါသည်။

ကျေးဇူးတင်ပါသည်
တာချီလိတ်အွန်လိုင်းစာမျက်နှာ
www.tachileik.net

၂၀၁၂ခုနှစ် ဇွန်လ ( ၂၆ )နေ့ရက်တွင် ပြုလုပ်ကျင်းပမည်ဖြစ်သော ( ၁၅ )ကြိမ်မြောက် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမ၀င်ရောင်းဝယ်မှုတိုက်ဖျက်ရေးနေ့ အထိမ်းအမှတ်အဖြစ် ၆.၆.၂၀၁၂ မှစ၍ ၁၂.၆.၂၀၁၂ထိ တာချီလိတ်မြို့ရှိ စာသင်ကျောင်းများသို့သွားရောက်၍ ( ၈ )တန်း ( ၉ )တန်း နှင့် ( ၁၀ )တန်း ကျောင်းသား ကျောင်းသူများကို မူးယစ်ဆေးနှင့်ပတ်သက်သည့် ကျန်းမာရေးဆိုင်ရာများ၊ ရှောင်ရန် ဆောင်ရန်များ စသည့်အသိပေးပညာရပ်များကို အကြိုဟောပြောပွဲအဖြစ် ဟောပြောကြမည်ဖြစ်ကြောင်း သတင်းရရှိသည်။

မူးယစ်ဆေးဝါးနှင့်ပတ်သက်၍ အကြိုဟောပြောပွဲကို

• ၆.၆.၂၀၁၂ တွင် အ.ထ.က တာချီလိတ်
• ၇.၆.၂၀၁၂ တွင် အ.ထ.က ဆန်ဆိုင်း
• ၈.၆.၂၀၁၂ တွင် အ.ထ.က ဟောင်လိတ်
• ၁၁.၆.၂၀၁၂ တွင် မူလွင်ကျောင်း ဝေလေလန်
• ၁၂.၆.၂၀၁၂ တွင် အ.ထ.က တာလေ

စသည့်ကျောင်းများသို့ သွားရောက်ဟောပြောမည်ဖြစ်ကြောင်း သိရပါသည်။

တာချီလိတ်မြို့ အ.ထ.က ဆန်ဆိုင်းကျောင်း၌ ၇.၆.၂၀၁၂ နံနက် (၉)နာရီ မိနစ်၄၀တွင် ( ၈ )တန်း ( ၉ )တန်း နှင့် ( ၁၀ )တန်း ကျောင်းသား ကျောင်းသူများ မူးယစ်ဆေးနှင့်ပတ်သက်သည့် အကြောင်းအရာများကို ပထမဦးစွာ မူးယစ်ဆေးဝါးနှင့် ပတ်သက်သည့် ဥပဒေအကြောင်းအရာများကို မြို့နယ်ဥပဒေအရာရှိ ဦးအတူးမှ ဟောပြောခဲ့သည်။ ၎င်း၏ ဟောပြောမှုတွင် မူးယစ်ဆေးဝါးနှင့်ပတ်သက်သည်ဖြစ်စေ သုံးစွဲ ရောင်းချသည်ဖြစ်စေ ဥပဒေအရ အရေးယူဆောင်ရွက်ပြီး ထောင်ဒဏ်ကျနိုင်ကြောင်း ထောင်ဒဏ်အပြင် သေဒဏ်များလည်း ချမှတ်နိုင်ကြကြောင်း ထို့ကြောင့် မူးယစ်ဆေးနှင့်ပတ်သက်လျှင် ရှောင်ရှားစေလိုကြောင်း ရည်ရွယ်၍ မိနစ် ၂၀ကြာ ဟောပြောခဲ့သည်။

၎င်းနောက်တွင် မူးယစ်ဆေးဝါးသုံးစွဲခြင်းကြောင့် ဖြစ်ပေါ်စေတတ်သော ရောဂါများအကြောင်းကို ကျန်းမာရေးဆိုင်ရာ သိမှတ်ဖွယ်အဖြစ် ဒေါက်တာဒေါ်ဝင်းချိုချိုအောင်မှ ပြောကြားခဲ့သည်။ ဒေါက်တာဒေါ်ဝင်းချိုချိုအောင်၏ ပြောကြားချက်တွင် မူးယစ်ဆေးဝါးသုံးစွဲသူတို့၏ ဖြစ်တတ်သော ပုံစံများ ဖြစ်လေ့ရှိသော ကိစ္စရပ်များအား စသည်ဖြင့် အကျယ်တ၀င့်ရှင်းလင်းပြောကြားရင်း ကျောင်းသား ကျောင်းသူများအား မူးယစ်ဆေးနှင့် ပတ်သက်၍ မသုံးစွဲမိစေဖို့ အထူးသတိပေးပြောကြားခဲ့သည်။

ထို့နောက်တွင် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဦးမောင်ကြည်မှ "လူငယ်များ လမ်းမမှားရအောင် မူးယစ်ဆေးရှောင်"ခေါင်းစဉ်ဖြင့် ဟောပြောခဲ့သည်။ ၎င်း၏ ဟောပြောချက်များတွင် ဆေးလိပ်၊ အရက် နှင့် မူးယစ်ဆေးများအကြောင်းကို ကျောင်းသား ကျောင်းသူများ စိတ်ပါဝင်စား အာရုံစိုက်လာစေရန် ဆေးလိပ်နှင့်ပတ်သက်ပြီး ဟာသနှော၍ အသိပညာပေး ပြောကြားအပြီး အရက်သေစာသောက်ခြင်းကိုလည်း ရှေးရာဇ၀င်များနှင့်ရော၍ ဟောပြောခဲ့ရာ ကျောင်းသားကျောင်းသူများမှာ စိတ်ဝင်တစား နားထောင်နေပုံကို တွေ့ရသည်။

နောက်တစ်ဖန် တာချီလိတ်မြို့နယ် စာရေးဆရာများအသင်း ဥက္ကဌဦးထိန်မင်းမှ "ဆေးစွဲသူ ကူကြစို့"ခေါင်းစဉ်ဖြင့် ဟောပြောတွင် ကျောင်းသား ကျောင်းသူများအနေဖြင့် စိတ်တက်ကြွစွာ နားထောင်ရင်း လိုက်နာစေရန်အတွက် ရေဓါတ်၊ မြေဓါတ်၊ လေဓါတ်၊ မီးဓါတ် စသည်များကို ကျောင်းသား ကျောင်းသူများ နားလည်လွယ်စေရန် ဟာသနှော၍ ရှင်းလင်း ပြောကြားအပြီး HELP ဆိုသည် စကားလုံးကို ဖွဲ့နွဲ့၍ ပြောကြားခဲ့သည်။။

နောက်ဆုံးအစီအစဉ်တွင် တာချီလိတ်မြို့ မူးယစ်အထူးနိမ်းနှင်းရေးတပ်ဖွဲ့မှ ရဲအုပ်မြင့်လွင်သည် မူးယစ်ဆေးနှင့်ပတ်သက်၍ မူးယစ်ဆေးအမည်များနှင့် မူးယစ်ဆေးသုံးစွဲသူတို့၏ သွားလာလှုပ်ရှားမှုများ၊ မူးယစ်နိမ်နှင်းရေးတပ်ဖွဲ့မှ ဖမ်းဆီးရမိသော သက်သေခံပစ္စည်များနှင့်တရားခံများ၏ ပုံများ၊ ကျေးရွာများရှိ ကျောင်းနေရွယ်ကလေးများ မူးယစ်ဆေးကြောင့် ကျောင်းမနေနိုင်သော ပုံများ စသည်တို့ကို projectorဖြင့် ရှင်းလင်းပြသခဲ့ပြီး ကျောင်းသား ကျောင်းသူများအနေဖြင့် ဖြစ်စေ၊ အနီးအနားမှ လူများကိုဖြစ်စေ မူးယစ်ဆေးနှင့်ပတ်သက်သည်များကို သတိပေရှောင်ရှာစေပေးစေလိုကြောင်း၊ မူးယစ်ကင်းစင်မှ သာယာပျော်ရွှင်စရာဘ၀ကို ပိုင်ဆိုင်နိုင်မည်ဖြစ်ကြောင်း ပြောကြားခဲ့သည်။

ပုံများကို ကြည့်ရန်
မူးယစ်တိုက်ဖျက်ရေးနေ့ အကြိုဟောပြောပွဲ 38 photos

ကျေးဇူးတင်ပါသည်
တာချီလိတ် အွန်လိုင်း စာမျက်နှာ
www.tachielik.net