theme5

Facebook: www.fb.com/TachileikNews

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~

~~~~~~~~~~~~~~~~~~ ~~~~~~~~~~~~~~~~~~~~

Monday, January 13, 2014

ရှမ်းပြည်နယ်၏ အရှေ့ပိုင်းဒေသ နယ်စပ်မြို့လေးတစ်မြို့ဖြစ်သည့် တာချီလိတ်မြို့သည် ယခုအခါမှာ ယခင်ကာလများထက် အုပ်ချုပ်ရေး၊ လူမှုရေး၊ ဘာသာရေး၊ စီးပွားရေးနှင့် ဒေသဆိုင်ရာ ဖွံ့ဖြိုးမှုများမှာ
ပြောင်းလဲတိုးတတ်နေပြီး ပိုမို၍ တွင်ကျယ်လာသည်မှာ လူမှုရေး စိတ်ဓါတ်များပင် ဖြစ်ပါသည်။

လူမှုရေးအသိစိတ်ဓါတ်များကို အခြေခံ၍ တစ်ဦးနှင့်တစ်ဦး ကူညီဖေးမမှုများ၊ အမြင်မတော်သည်များ၊ ၀င်ရောက်ကူညီခြင်းများ နှင့် မိမိတို့ တက်နိုင်သည့်ဘက်မှ ကူညီပေးနေမှုများကို အများဆုံး တွေ့မြင်ရနိုင်သည်မှာ တာချီလိတ်မြို့ပင် ဖြစ်ပေသည်။

ဟုတ်ပါသည်။ တာချီလိတ်မြို့နယ်တွင် ဆင်းရဲနွမ်းပါးသူများအား အယုတ် အလတ် အမြတ် မရွေး အခမဲ့ စေတနာ မေတ္တာစိတ်များဖြင့် ကူညီမှုများပေးနေသော လူမှုရေးအသင်းအဖွဲ့ (၁၅)ဖွဲ့မနည်း ရှိပြီး မြို့၏ "နတ်မျက်စိ"ဟု တင်စားခေါ်ဝေါ်ထိုက်သည့် "အငှားဆိုင်ကယ်ပြေးဆွဲသူများ" တာချီလိတ် အခေါ်အဝေါ် အနေဖြင့် "ဆိုင်ကယ် Taxi သမား"များပင် ဖြစ်လေသည်။ အဆိုပါ ဆိုင်ကယ် Taxi သမားများနှင့် ပတ်သက်၍ ယခု သတင်းဆောင်းပါးကို ဖော်ညွှန်းလိုက်ပါသည်။

တာချီလိတ်မြို့တွင် အချို့သော ယာဉ်တိုက်မှု၊ လုပ်ကြံမှု၊ ခိုးမှု၊ လူသတ်မှု၊ လုယက်မှု၊ မူးယစ်ဆေးဝါး ရောင်းဝယ်မှု စသည်ဖြင့် မှုခင်းကိစ္စရပ်များကို ရဲတပ်ဖွဲ့နှင့် တရားရေးရာများအတွက် အထောက်အကူဖြစ်စေသော၊ ဘာအကျိုးမှ မမျှော်လင့်ပဲ ကူညီမှုများ တတ်နိုင်သလောက် ပေးနေသူများကို ဖော်ပြပါဆိုလျှင် ဆိုင်ကယ် Taxi သမားများကိုသာ ဖော်ပြရပါမည်။ ထို့ကြောင့်လည်း "နတ်မျက်စိများ"ဟု တင်စားရပေသည်။

အဆိုပါ ဆိုင်ကယ် Taxi သမားများနှင့် ပတ်သက်၍ ၂၀၁၄ခုနှစ်၏ ဇန်န၀ါရီလ ပထမ အပတ်မှာ အဖွင့်လှခဲ့သည်ကတော့ လူမှုရေးအသိစိတ်ကြောင့် ကလေးနှစ်ဦးအား ကူညီနိုင်ခဲ့သည့်အပြင် သိန်း(၆၀)၀န်းကျင်ရှိ လက်ဝတ်ရတနာ ခိုးမှု တစ်ခုကိုလည်း ဖော်ထုတ်နိုင်ခဲ့လေသည်။

ဖြစ်စဉ်များနှင့် ပတ်သက်၍ ဇန်န၀ါရီလ(၁၁)ရက် နေ့လည် (၁၁း၃၀)နာရီဝန်းကျင်က တာချီလိတ်မြို့၊ မကာဟိုခမ်းရပ်ကွက်ရှိ အ.ထ.က(တာချီလိတ်) ကျောင်းအနီး၊ ရွှေတိဂုံဘုရားလမ်း၌ အသက်(၈)နှစ် နှင့် (၉)နှစ်အရွယ်ရှိ ကျောင်းသူလေး နှစ်ဦးအား မသင်္ကာဖွယ်ရာ လူတစ်ဦးမှ အတင်းအဓမ္မ ခေါ်ဆောင်ရန် ကြံစည်သည်ဟု အများမှ ယူဆကြ၍ အနီးအနားရှိ ဆိုင်ကယ် Taxi သမား (၆)ဦး နှင့် အနီးဝန်းကျင်မှ လူများက မသင်္ကာဖွယ်ရှိသူ အမျိုးသားတစ်ဦးအား ၀ိုင်းဝန်းထိန်းသိမ်းပြီး ရဲတပ်ဖွဲ့သို့ အပ်နှံပေးခဲ့သည်။ တဆက်တည်းမှာပင် တာချီလိတ် လူကုန်ကူးမှုတားဆီးနှိမ်နင်းရေး ရဲတပ်ဖွဲ့မှ မသင်္ကာဖွယ်အမျိုးသားအား ခေါ်ယူ စစ်ဆေးပြီးနောက် ယင်းကိစ္စမှာ ကြံစည်မှု မဟုတ်ကြောင်း စစ်ဆေးချက်အရ သိရှိရသည်။

ကြံစည်မှုမဟုတ်သော်လည်း အဆိုပါ ဆိုင်ကယ် Taxi (၆)ဦး၏ လူမှုအသိစိတ် နှင့် တာဝန်သိစိတ် တို့ကြောင့် ကလေးနှစ်ဦး၏ မိဘများမှ စိုးရိမ်ကြောင်းကြမှု ကင်းဝေစေခဲ့တာတော့ အမှန်ပင်ဖြစ်ပေသည်။

တဆက်တည်း တင်ပြရပါမူ ပြီးခဲ့သည့် ဇန်န၀ါရီလ(၅)ရက် သန်းခေါင်အလွန် ည (၁း၁၅)အချိန်က တာချီလိတ်မြို့ နဂါးနှစ်ကောင်ဘုန်းကြီးကျောင်းအတွင်း၌ ရှမ်းပြည်နယ်အတွင်းရှိ မြို့နယ်အသီးသီးမှ မိုင်းဖုန်းဆရာတော်၏ မွေးနေ့အား လာရောက်ကြသူများအနက် ရှမ်းအမျိုးသမီးတစ်ဦး၏ လက်ဝတ်ရတနာများ ခိုးခံရမှု ဖြစ်ပွားခဲ့ရာမှ မိုးသောက်ကြယ်ဆိုင်ကယ်ဂိတ်မှူး နှင့် ဂိတ်သားတစ်ဦးအပါအ၀င် ရွှေတာချီခရီးသွားလုပ်ငန်းမှ ကော်မတီဝင်တို့မှ (၂)ရက်အတွင်း လိုက်လံရှာဖွေပေးနိုင်ခဲ့ပြီး ရဲတပ်ဖွဲ့လက်ထဲသို့ အပ်နှံပေးခဲ့ကြောင်း သိရသည်။

ဖြစ်စဉ်မှာ အသက်(၁၉)နှစ်အရွယ်ရှိ မောင်ဖြိုး(အမည်လွဲ)သည် မိန်းမစိတ်ပေါက်နေပြီး အဆိုပါ ဘုရားဖူးအဖွဲ့များကြား၌ အိပ်နေပြီး လက်ဝတ်ရတနာပစ္စည်းအား ခိုးယူကာ ထွက်ပြေးရာမှ ဘုန်းကြီးကျောင်းဝန်းထဲမှ ကဗျာကယာပြေးထွက်လာသည့် ပုံသဏ္ဍာန်အား ဆိုင်ကယ်သမားများမှ တွေ့မြင်နေကြပြီး မောင်ဖြိုးအား ဆိုင်ကယ်သမားများအနေဖြင့် ယခင်ကတည်း တွေ့မြင်ဖူးသည် ဖြစ်တာကြောင့် နှစ်ရက်အလွန်မှာ ရှာဖွေဖမ်းဆီးနိုင်ခဲ့တာဖြစ်ကြောင်း သိရသည်။

အထက်ပါ ကိစ္စများနှင့်ပတ်သက်၍ ယနေ့ ဇန်န၀ါရီလ(၁၃)ရက် ညနေ(၄)နာရီဝန်းကျင်တွင် တာချီလိတ်မြို့နယ် အထွေထွေအုပ်ချုပ်ရေး ဦးစီးဌာနရုံး၊ အစည်းအဝေးခန်းမ၌ ခရိုင်အုပ်ချုပ်ရေးမှူး ဦးသောင်းတင်ထွေး၊ မြို့နယ်အုပ်ချုပ်ရေးမှူး ဦးရဲထူး နှင့် ဌာနဆိုင်ရာများ အပါအ၀င် မြို့နယ်အထာက်အကူပြုကော်မတီ နှင့် ရွှေတာချီခရီးသွားလုပ်ငန်း ဥက္ကဌ ဦးစိုင်းကျော်စံ တို့က ဂုဏ်ပြုထိုက်သူကို ဂုဏ်ပြုခြင်းသည် မင်္ဂလာတစ်ပါးဖြစ်ကြောင်း ဟု ဆိုကာ အဆိုပါ ဆိုင်ကယ် Taxi သမား (၉)ဦးအတွက် ဂုဏ်ပြုခြင်း အခမ်းအနားအား ပြုလုပ်ပေးခဲ့ကြပါသည်။

ဂုဏ်ပြုချီးမြှင့်ရာတွင် မသင်္ကာဖွယ်လူတစ်ဦးမှ ကလေး(၂)ဦးအား အတင်းအဓမ္မ ခေါ်ဆောင်ရန် ကြံစည်သည်ဟု ယူဆရ၍ ၀င်ရောက် ကူညီခဲ့သည့် ဆိုင်ကယ်အင်္ကျီနံပါတ် (498) ဦးဇော်ဝင်း၊ (634) ဦးမျိုးညွှန်၊ (248) ဦးမျိုးလင်းအောင်၊ (500) ဦးထွန်းညွှန့်၊ (494) ဦးဝဏ္ဏ နှင့် (277) ဦးအောင်မင်း အပါအ၀င် လက်ဝတ်ရတနာများအား ခိုးခံရမှုတွင် တရားခံအား ရှာဖွေဖမ်းဆီးပေးနိုင်ခဲ့သည့် မိုးသောက်ကြယ်ဂိတ်မှူး ဦးမင်းသူ (691)၊ ဦးအောင်ကျော်လင်း (678) နှင့် ရွှေတာချီခရီးသွားလုပ်ငန်း ကော်မတီဝင် ဦးကျော်မြင့်တို့အား ဂုဏ်ပြုလက်ဆောင်များကို တာဝန်ရှိသူများက အသီးသီးပေးအပ်ချီးမြှင့် ခဲ့ကြသည်။

ဆက်လက်ပြီး ယခုလို လူမှုအသိစိတ်များဖြင့် ကူညီပေးခဲ့ကြသည့် ဆိုင်ကယ် Taxi သမားများအား ထပ်မံ၍ ဂုဏ်ပြုသည့်အနေဖြင့် ခရိုင်အုပ်ချုပ်ရေးမှူး ဦးသောင်းတင်ထွေး နှင့် ဇနီး ဒေါ်နွေးနွေးလင်း မိသားစုမှ ငွေကျပ်(၁)သိန်း၊ မြို့နယ်အုပ်ချုပ်ရေးမှူး ဦးရဲထူးနှင့် ဇနီး ဒေါ်ရွှေမိုးသူဇာ မိသားစုမှ
ငွေကျပ်(၁)သိန်း နှင့် မြို့နယ်အထောက်အကူပြုကော်မတီမှ ငွေကျပ်(၁)သိန်း စုစုပေါင်း
ငွေကျပ်(၃)သိန်းတို့ကိုလည်း ထပ်ဆင့် ချီးမြှင့်ခဲ့ကြကြောင်း သိရသည်။

တာချီလိတ်မြို့နယ်အတွင်း မြို့ပေါ်လမ်းများရှိ လမ်းဆုံများနှင့် သက်ဆိုင်ရာ လူစည်ကားရာ အရပ်ဒေသ လမ်းထောင့်များတွင် ဆိုင်ကယ် Taxi ဂိတ်များ အများအပြားရှိနေသည် ဖြစ်တာကြောင့် မြို့တွင်း အကြမ်းဖက်မှုများ၊ မြို့၏ လှပသော ဂုဏ်အင်္ဂါရပ်များကို ရိုက်ချိုးဖျက်ဆီးလိုသူများအတွက် အဟန့်အတားသဖွယ် ဖြစ်ပေသည်။ ထို့အတွက်ကြောင့် တာချီလိတ်မြို့နယ်၏ လှပထည်ဝါမှုသည် အဆိုပါ နတ်မျက်စိများ၏ ဒေါက်ထောင့်ကြည့်နေမှုများ တစိတ်တဒေသမှ ပါဝင်နေခြင်းကြောင့်ဟူ၍လည်း ဆိုလိုနိုင်ပါကြောင်း ဤသတင်းဆောင်းပါးဖြင့် ဆိုင်ကယ် Taxi သမားများအား ဂုဏ်ပြု ရေးသားတင်ပြလိုက်ပါသည်။

သတင်းဆောင်းပါး ။ ။ ကိုဇောင်း

ပုံများကိုကြည့်ရန်
တာချီလိတ်၌ ဆိုင်ကယ် Taxi သမား ၉ ဦးအား ဂုဏ်ပြု

33 photos

~⊱•❈❀ღ✿⊰❂⊱✿ღ❀❈•⊰~

Tachileik Online News

Facebook: www.fb.com/TachileikNews

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~

~~~~~~~~~~~~~~~~~~ ~~~~~~~~~~~~~~~~~~~~

Tuesday, January 7, 2014

““ မယ်ဇလီဆိပ် တာချီလိတ် ”” ဟု မြန်ပြည်တလွှား ထင်ရှားကျော်ကြားတဲ့ ကျွန်တော်တို့ တာချီလိတ်မြို့လေးဟာ အလွန်သာယာလှပတဲ့ မြို့လေးတစ်မြို့ဖြစ်ပါတယ်။ ရှမ်း-အာခါ-လားဟူ-ပအို့ဝ် - ကချင်-ချင်း-၀-ကရင်-ရခိုင်-ဗမာ စတဲ့ တိုင်းရင်းသားညီကိုများ စုပေါင်း နေထိုင်ကြတဲ့ တာချီလိတ်မြို့လေးကို ရောက်ရှိခဲ့ဖူးတဲ့ ဧည့်သည်တိုင်းက သဒ္ဒါတရားကောင်းတဲ့မြို့ ၊ စေတနာတရားနဲ့ ကိုယ်ချင်းစာစိတ်ကြွယ်ဝတဲ့မြို့လေး ၊ တာချီလိတ်သားတွေများ ဘယ်အချိန် ကြည့်ကြည့် မျက်နှာလေးတွေကပြုံးရွှင်နေကြတာပဲ ဟု မုဒိတာအပွားခံရတဲ့မြို့လေး
ဖြစ်ပါတယ်။

သို့သော်လည်း ဆွမ်းဆန်ထဲ ကြက်ချေးရောဆိုသလို ကျွန်တော်တို့မြို့ရဲ့ အလှကိုဖျက်ဆီး
နေတဲ့ အကြောင်းအရာလေး တခုကတော့ မကြာခဏကြားကြားနေရတဲ့ ““ မြေယာပိုင်ဆိုင်မှု
အငြင်းပွားပြဿနာ”” တွေပဲဖြစ်ပါတယ်။

မြန်မာပြည် အနယ်နယ်အရပ်ရပ်ကနေ ရေကြည်ရာမြက်နုရာ ပြောင်းရွှေ့နေထိုင်ကြသူတွေဟာ တာချီလိတ်မြို့လေးမှာ အလျဉ်းသင့်ရာ စီးပွားရေးလုပ်ငန်းများ လုပ်ကိုင်ကြရင်း ရေရှည်မှာ အိမ်ငှားဘ၀နဲ့ မနေထိုင်လိုကြတဲ့အတွက် မိမိတို့ရဲ့ ချွေးနည်းစာလေးတွေကို ကုတ်ခြစ်စုဆောင်းကြပြီး အိုးပိုင်အိမ်ပိုင်ဘ၀ကိုရရှိဘို့ ကြိုးစားကြပါတယ်။ ငွေကြေးအတန်အသင့် စုဆောင်းမိလာတဲ့အခါ မိမိတို့နဲ့သင့်လျော်မယ့် မြေကွက်ကလေးတွေကိုဝယ်ယူကြပါတယ်။ ဒီလိုဝယ်ယူကြရာမှာ မိမိပိုင်မြေကို ရိုးရိုးသားသားတန်ရာတန်ကြေးနဲ့ရောင်းချကြသူများ ရှိသလို မသမာသောနည်းတွေနဲ့ ကျူးကျော်မြေတွေ ၊ တပါးသူပိုင်မြေတွေကို စာရွက်စာတမ်း အတုတွေနဲ့ လိမ်ညာရောင်းချကြသူအချို့လည်းရှိပါတယ်။

ဒီတော့ လိမ်ညာရောင်းချသူတွေက ငွေထုပ်ပိုက်ပြီး ပျော်မြူးနေချိန်မှာ ပိုင်ရှင်အစစ်အမှန်ပေါ်လာလို့ အနှစ်နှစ်အလလ ချွေတာစုဆောင်းထားတဲ့ ငွေလေးနဲ့ ၀ယ်ထားတဲ့မြေကွက်လေး ဆုံးရှုံးရလို့ မျက်ရည်နဲ့မျက်ခွက်ဖြစ်ရသူက ရိုးသားတဲ့ မြေ၀ယ်သူတွေပါ။ ငွေကြေးလဲဆုံးရှုံးရ ၊ ရုံးရောက်ဂတ်ရောက် ၊ အချင်းချင်းလည်း အမုန်းပွားရနဲ့ အလွန်စိတ်သောကရောက်ကြရတာကို မြင်တွေ့နေရပါတယ်။

ဒါ့ကြောင့် စာရေးသူအနေနဲ့ မြေကွက် (သို့) အိမ် အရောင်းအ၀ယ်ပြုတော့မယ်ဆိုရင်
(၁) ရောင်းချသူရဲ့ ရိုးသားတည်ကြည်မှုကို အရင်ဆုံး စုံစမ်းလေ့လာပါ။
(၂) သက်ဆိုင်ရာ မြေစာရင်းဦးစီးဌာနလိုမျိုး ရုံး/ဌာနတွေမှာ မြေယာပိုင်ဆိုင်မှု ခိုင်မာမှု ရှိ/မရှိ
အရင်ဆုံးစိစစ်ကြည့်ပါ။
(၃) အရောင်းအ၀ယ်ပြုလုပ်ရာမှာလည်း ပေါ့ပေါ့ဆဆ သာမာန်အရပ်သုံးစာချုပ်တွေနဲ့ မချုပ်ဆိုပဲ
ဥပဒေပညာရှင်တွေနဲ့ သေချာစွာ လေ့လာ တိုင်ပင် ညှိနှိုင်းပြီးမှ ၀ယ်ယူ ချုပ်ဆိုကြပါလို့ စေတနာရှေ့ထားကာ တိုက်တွန်းရေးသားလိုက်ရပါတော့တယ်ခင်ဗျား။

သတင်းဆောင်းပါး။ ။ မောင်ယဉ်ကျေး

~⊱•❈❀ღ✿⊰❂⊱✿ღ❀❈•⊰~

Tachileik Online News

Facebook: www.fb.com/TachileikNews

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~

~~~~~~~~~~~~~~~~~~ ~~~~~~~~~~~~~~~~~~~~

Sunday, January 5, 2014

၂၀၁၄ခုနှစ် ဇန်န၀ါရီလ ၄ရက်နေ့သည်ကား ပြည်ထောင်စုမြန်မာနိုင်ငံတော်၏ ထူးမြတ်သော ၀ိသေ
သများဖြင့် ထုံးမွှမ်းနေသော လွတ်လပ်ရေးနေ့အခါသမယဖြစ်ပေသည်။ ထိုနေ့တွင် မြန်မာနိုင်ငံတော်
တ၀ှမ်းရှိ ရဟန်း-ရှင်-လူအပေါင်း ပျော်ရွှင်တက်ကြွစွာဖြင့် လွတ်လပ်ရေး အောင်ပွဲသဘင်များအား ဆင်ယင် ကျင်းပကြပါသည်။ ထူးမြတ်သော လွတ်လပ်ရေးနေ့အခါသမယတွင် ထူးခြားသော မွေးနေ့ပွဲတစ်ရပ်ကို တက်ရောက်ဖို့ အခွင့်ကြုံရပါလေပြီ။

ထူးခြားသည့်မွေးနေ့ပိုင်ရှင်ကား လွန်ခဲ့သော ၆၆ နှစ်ကြာကာလ ယခုလို နှင်းမှုန်တွေ ဖွေးဖွေးဖြင့်
ချမ်းအေးလှသော အချိန်အခါ နံနက် ၄နာရီ ၂၀မိနစ်တွင် ကိုလိုနီနယ်ချဲ့တို့၏ လက်အောက်မှ ပြည်ထောင်စု မြန်မာနိုင်ငံတော်သည် လုံးဝအချုပ်အခြာအာဏာပိုင် နိုင်ငံတစ်နိုင်ငံအဖြစ် လွတ်လပ်ရေး
အောင်ပန်းအား ဆွတ်ခူးနိုင်ခဲ့ပြီးနောက် နာရီပိုင်း အကြာ ရှမ်းရိုးမတောင်တန်းကြီး တနေရာတွင် လွတ်
လပ်ရေးနှင့်အတူ မွေးဖွားသန့်စင်ခဲ့သော အာခါတိုင်းရင်းသားခေါင်းဆောင် ဦးအာဇီး၏ (၆၆)နှစ်ပြည့်
မွေးနေ့မင်္ဂလာပင် ဖြစ်ပေသည်။

{ ဦးအာဇီး နှင့် သူ၏ ပုံတူကျောက်ရုပ်တု}

မှန်ပေသည်။ ရှမ်းပြည်နယ် (အရှေ့ပိုင်း) သံလွင်အရှေ့ပိုင်းဒေသ တာချီလိတ်ခရိုင်
လွယ်တော်ခမ်းကျေးရွာအုပ်စု အာဒီးရွာကလေးတွင် အာခါတိုင်းရင်းသား အဖ ဦးဂျလယ် + အမိ
ဒေါ်မီချူး တို့မှ ၁၉၄၈ခုနှစ် ဇန်န၀ါရီလ ၄ ရက်နေ့ နံနက် ၉ နာရီတွင် ဦးအာဇီးအား မွေးဖွားသန့်စင်ခဲ့ပြီး သားသမီး (၇)ဦးအနက် ဒုတိယမြောက်သားဖြစ်ကာ အကိုကြီးဖြစ်သူ ဦးအာဒီးမှာလည်း အာခါတိုင်းရင်းသား ခေါင်းဆောင်အဖြစ် နိုင်ငံတော်နှင့် ဒေသအကျိုးတို့အား စွမ်းစွမ်းတမံ ဆောင်ရွက်ခဲ့သူ တစ်ဦးဖြစ်ပါသည်။

{ ဦးအာဇီး ပုံတူ ကျောက်ရုပ်တု}

ဦးအာဇီးသည် အခြေအနေ အချိန်အခါအရ အတန်းပညာအား သေချာဂဃစွာ သင်ကြားခွင့်
မရခဲ့သော်လည်း ဖြတ်ထိုးဥာဏ်ကောင်းမွန်သူ တစ်ဦးဖြစ်ကာ သူ၏ အတွေးအခေါ်တို့က ခေတ်မီသည်
ဟုဆိုနိုင်လေသည်။ ခေတ်အဆက်ဆက် နိုင်ငံတော်နှင့်ဒေသ၏အကျိုး ၊ အာခါတိုင်းရင်းသားတို့၏
အကျိုးအား ကိုယ်စွမ်းဥာဏ်စွမ်းရှ်ိသမျှ ဆောင်ရွက်ခဲ့သည့်အတွက် ပြည်သူ့ကောင်စီခေတ် ၊ တပ်မ
တော်အစိုးရခေတ်တို့တွင် လွယ်တော်ခမ်းကျေးရွာအုပ်စု ဥက္ကဋ္ဌအဖြစ် တာဝန်ပေးအပ်ခြင်းခံခဲ့ရသလို
ဒေသတွင်းသောင်းကျန်းသူများအားလည်း ပြည်သူ့စစ်ခေါင်းဆောင်တစ်ဦးအဖြစ် တပ်မတော်နှင့်အတူ
လက်တွဲကာ နိုင်ငံတော်ကာကွယ်ရေး တာဝန်များကို ထမ်းဆောင်ခဲ့ပြီး ယခုလက်ရှိတွင်လည်း အာခါ
တိုင်းရင်းသားတို့၏ အကျိုးစီးပွားအတွက် ဦးဆောင်လမ်းပြ ဆောင်ရွက်နေသူတစ်ဦးလည်း ဖြစ်ပေသည်။

ရှမ်းပြည်နယ်(အရှေ့ပိုင်း)ဒေသအတွင်း ဘိန်းအစားထိုးသီးနှံအား ပထမဆုံး စံနမူနာပြ
စိုက်ပျိုးခဲ့သူဖြစ်ကာ လိုင်ချီးစ်နှင့် ရာဘာပင်များအားစိုက်ပျိုးခဲ့လေသည်။ အမျိုးသားညီလာခံကိုယ်စား
လှယ်အဖြစ် ၁.၉.၁၉၉၃ခုနှစ်မှ ၃၁-၈-၂၀၀၇အထိ ဆောင်ရွက်ခဲ့ကာ အခြေခံဥပဒေပေါ်ထွန်းလာရေး
အတွက် တစ်တပ်တစ်အားပါဝင်ကြိုးပမ်းဆောင်ရွက်ခဲ့ပါသည်။ မူးယစ်ဆေးဖြတ်စခန်းအား ၂၂-၁၁-
၂၀၀၄ ခုနှစ်တွင် ထူထောင်ပေးခဲ့ကာ အနာဂတ်လူငယ်များအား မူးယစ်ဆေးဝါး၏သားကောင်အဖြစ်မှ
ဖယ်ရှားပေးနိုင်ခဲ့လေသည်။

ထို့အပြင် အာခါတိုင်းရင်းသားတို့၏ ရိုးရာယဉ်ကျေးမှုလက်မှုပစ္စည်းများ၊ တောင်ယာ
ဥယျာဉ်များမှ ထွက်ရှိသော သစ်သီးဝလံနှင့် အသားငါးများအား သန့်ရှင်းလတ်ဆတ်စွာရောင်းချ
နိုင်ရေးအတွက် ၂-၃-၁၉၉၇ ခုနှစ်တွင် ပုဂ္ဂလိက အာခါဈေးအား ဖွင့်လှစ်ပေးခဲ့ကာ ယနေ့အထိ ကိုယ်တိုင် ကြီးကြပ်ဆောင်ရွက်လျှက်ရှိပါသည်။ ထိုကဲ့သို့ နိုင်ငံတော်နှင့် ပြည်သူတို့၏ အကျိုးအား ကိုယ်ကျိုးမဖက်ပဲ ဆောင်ရွက်ခဲ့သည့်အတွက်လည်း ချီးမြှင့်ပူဇော်ထိုက်သူကို ပူဇော်ခြင်းသည် မင်္ဂလာတပါးဟု ဆိုရိုးစကားနှင့်အညီ နိုင်ငံတော်အစိုးရမှ အာခါတိုင်းရင်းသား ဦးအာဇီးအား ၆-၁-၂၀၀၆ ရက်နေ့
တွင် လူမှုထူးချွန် (ဒုတိယဆင့်)ဆုအား ချီးမြှင့်ဂုဏ်ပြုခဲ့လေသည်။

ထူးခြားချက်အနေဖြင့် အမျိုးသားခေါင်းဆောင်ကြီး ဗိုလ်ချုပ်အောင်ဆန်းမှသည် ခေတ်အဆက်ဆက် နိုင်ငံတော်အား ဦးဆောင်လမ်းညွှန်ခဲ့သည့် နိုင်ငံတော်အကြီးအကဲများ၏ ဓာတ်ပုံများ ၊ မြန်မာ့ငွေကြေးများအား အမြတ်တနိုးတန်ဘိုးထားကာ ခမ်းနားဝင့်ထည်စွာထိန်းသိမ်းထားသည့် ဦးအာဇီး၏ နိုင်ငံချစ်စိတ်ကား စံပြုဘွယ်ပင်ဖြစ်လေသည်။

ယခုအခါ ဦးအာဇီးသည် သား-သမီး-မြေး-မြစ်များနှင့်အတူ တာချီလိတ်မြို့တွင် အခြေချ
နေထိုင်ရင်း ဘိန်းအစားထိုး သီးနှံများစိုက်ပျိုးခြင်း၊ ကျေးလက်ဒေသများ မီးလင်းရေး ၊ ရေကောင်း ရေသန့်ရရှိရေး ၊ ကျေးလက်လမ်းများ အဆင့်မြှင့်တင်ရေးစသည့် ဒေသအကျိုးပြုလုပ်ငန်းများအား ကျန်းမာ ရွှင်လန်းတက်ကြွစွာဖြင့် ဆောင်ရွက်လျှက်ရှိသည်ကို အားကျဘွယ်ရာတွေ့ရှိရသည့်အတွက် လွတ်လပ်ရေးနှင့် အတူ မွေးဖွားသန့်စင်ခဲ့သော အာခါတိုင်းရင်းသားခေါင်းဆောင်ဦးအာဇီးအား ဤစာစုဖြင့် ဂုဏ်ပြုမှတ်တမ်းတင်လိုက်ရပါတော့သည်။

သတင်းဆောင်းပါး။ ။ မောင်ယဉ်ကျေး

~⊱•❈❀ღ✿⊰❂⊱✿ღ❀❈•⊰~

Tachileik Online News

Facebook: www.fb.com/TachileikNews

အာခါရိုးရာ နှစ်သစ်ကူးပွဲ စည်ကားသိုက်မြိုက်စွာ တာချီလိတ်၌ ဆင်နွှဲ

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~

~~~~~~~~~~~~~~~~~~ ~~~~~~~~~~~~~~~~~~~~

Saturday, December 14, 2013

မြန်မာနိုင်ငံထဲတွင် တိုင်းရင်းသားလူမျိုးစုများစွာရှိသည့်အနက် "မင်္ဂလာပါ"ဟု အဓိပ္ပာယ်သက်ရောက်သည့် "နီဆားအိုလူး" (Nee Sar Ovq Luvq-ur )ဟု နှုတ်ဆက်တတ်သော တိုင်းရင်းသားလူမျိုးသည် "အာခါတိုင်းရင်းသား"ပင်ဖြစ်ပေသည်။ အာခါတိုင်းရင်းသားလူမျိုးများသည် မည်သည့်ခုနှစ်ကတည်းက ရှိနေသည်ကို မသိရှိရသော်လည်း ၁၉၂၇ခုနှစ်ကတည်းက အာခါစာပေများနှင့် တစ်စိတ်တစ်ဒေသ ဆက်နွယ်မှုများ ရှိနေသည်မှာ အမှန်ပင်ဖြစ်သည်။

လူမျိုးစုတိုင်း၊ တိုင်းရင်းသားတိုင်း၌ မိမိတို့၏ ကိုယ်ပိုင်ယဉ်ကျေးမှုများရှိကြသည်ဖြစ်ရာ ၎င်းတို့အနေဖြင့် ရိုးရာဓလေ့ ပူဇော်မှုများ၊ ပွဲလမ်းသဘင်များကို ပြုလုပ်ကျင်းပလေ့ရှိသည်ဖြစ်တဲ့အတွက် ယနေ့ ၂၀၁၃ခုနှစ် ဒီဇင်ဘာလ (၁၄)ရက် နံနက်ပိုင်းက ရှမ်းပြည်နယ်(အရှေ့ပိုင်း) တာချီလိတ်မြို့၌ ဆဋ္ဌမအကြိမ်မြောက် အာခါရိုးရာ ခါးထောင်းဖား စုပေါင်းနှစ်သစ်ကူးပွဲတော်၏ ဖွင့်ပွဲအခမ်းအနားကို စည်ကားသိုက်မြိုက်စွာ
ပြုလုပ်ကျင်းပရာ ရှမ်းပြည်နယ်အစိုးရအဖွဲ့ အာခါတိုင်းရင်းသားရေးရာဝန်ကြီး ဦးပီတာသောင်းစိန် ကိုယ်တိုင် တက်ရောက်ပြီး ပွဲတော်သို့ ဆင်နွှဲ့ခဲ့တာကိုလည်း တွေ့ရှိရသည်။

အဆိုပါ ပွဲတော်ကျင်းပမည့် နံနက်ပိုင်းတွင် ကောင်းကင်တစ်ခွင်လုံး တိမ်စိုင်တိမ်မဲများ ဖုံးလွှမ်းနေပြီး မိုးများလည်း မစွတ်မပွတ်ကျနေသည့်အတွက် ပွဲစီစဉ်သူများက ဖွင့်ပွဲအတွက် နေရာရွှေ့ပြောင်းကျင်းပရန်
အောင်မြတ်ခန်းမတွင် ကြိုတင်ပြင်ခဲ့ကြသေးသော်လည်း နံနက် ၈နာရီဝန်းကျင်မှာ မိုးရွာသွန်းမှု အခြေအနေ ငြိမ်သက်နေသည့်အတွက် လက်ရှိကျင်းပရာ နေရာဖြစ်သည့် ရှမ်းရိုးမကွင်းမှာပဲ ဖွင့်ပွဲပြုလုပ်ရန် ဆုံးဖြတ်ချက် ချခဲ့တာကိုလည်း သိရှိရပြန်သည်။

ဖွင့်ပွဲပြုလုပ်ရန်အတွက် ဆဋ္ဌမအကြိမ်မြောက် အာခါရိုးရာ ခါးထောင်းဖားပွဲတော်ကျင်းပရေးကော်မတီက
ပြင်ဆင်မှုများပြုလုပ်ကြပြီး နံနက် (၁၀)နာရီ (၄၅)မိနစ်အချိန်ခန့်မှာ အာခါတိုင်းရင်းသားရေးရာဝန်ကြီး ဦးပီတာသောင်းစိန်၊ တာချီလိတ်ခရိုင်အုပ်ချုပ်ရေးမှူး ဦးသောင်းတင်ထွေး၊ ဆဋ္ဌမအကြိမ်မြောက် အာခါရိုးရာ ခါးထောင်းဖားပွဲတော်ကျင်းပရေး ကော်မတီဥက္ကဋ္ဌ ဦးချစ်ဂျွေ့တို့မှ အဆိုပါပွဲတော်အား ဖဲကြိုးဖြတ် ဖွင့်လှစ်ပေးပြီး နှစ်သစ်မင်္ဂလာပန်းခြင်းလက်ဆောင်များဖြင့် အပြန်အလှန်ပေးအပ်ခဲ့ကြသည်။

တစ်ဆက်တည်းမှာပဲ ခရိုင်အုပ်ချုပ်ရေးမှူး ဦးသောင်းတင်ထွေးက ဆဋ္ဌမအကြိမ်မြောက် အာခါရိုးရာ ခါးထောင်းဖားပွဲတော်အတွက် နှစ်သစ်သ၀ဏ်လွှာဖတ်ကြားပြီး အာခါရိုးရာယဉ်ကျေးမှု ထိန်းသိမ်းရေးအဖွဲ့ ခေါင်းဆောင် ဦးမင်းညိုက နှစ်သစ်နှုတ်ခွန်းဆက် သ၀ဏ်လွှာကို အာခါတိုင်းရင်းသား ဘာသာစကားဖြင့် ဖတ်ကြားသွားခဲ့တာကိုလည်း တွေ့ရှိရသည်။

ယင်းနောက်မှာတော့ ပွဲတော်သို့ တက်ရောက်ဆင်နွှဲကြသည့် အာခါတိုင်းရင်းသားရေးရာဝန်ကြီး ဦးပီတာသောင်းစိန် အပါအ၀င် လွှတ်တော်ကိုယ်စားလှယ်များ၊ ဒေသအုပ်ချုပ်ရေးဆိုင်ရာ အကြီးအကဲများ၊ ခရိုင်/မြို့နယ်ဌာနဆိုင်ရာများ၊ လူမှုရေးအသင်းအဖွဲ့များ၊ နိုင်ငံရေးပါတီများ၊ စီးပွားရေးလုပ်ငန်းရှင်များနှင့် ရှမ်းပြည်နယ်(အရှေ့ပိုင်း)တစ်ခုလုံးရှိ အာခါတိုင်းရင်းသားများနှင့် ရပ်နီးရပ်ဝေးနိုင်ငံများမှ အာခါတိုင်းရင်းသားများကို တာချီလိတ်၊ မိုင်းလား၊ မိုင်းဆတ်၊ ကျိုင်းတုံစသည့် မြို့များမှ အာခါတိုင်းရင်းသား စာပေနှင့်ယဉ်ကျေးမှုအဖွဲ့များမှ အာခါတိုင်းရင်းသား ရိုးရာယဉ်ကျေးမှု အမွေအနှစ်များဖြစ်သည့် ရိုးရာဓလေ့အကများဖြင့် ဖျော်ဖြေတင်ဆက်သွားတာကိုလည်း တွေ့ရပြန်သည်။

အကများကို ဖျော်ဖြေတင်ဆက်ပြီးမှာတော့ ဆဋ္ဌမအကြိမ်မြောက် အာခါရိုးရာ ခါးထောင်းဖားပွဲတော် မိတ်ဆုံစားပွဲအဖြစ် ၀ိုင်းဖွဲ့ကာ ပျော်ပျော်ပါးပါး ဧည့်ခံစားသောက်နေကြသည်မှာ တိုင်းရင်းသားလူမျိုးများ အချင်းချင်း ချစ်ခင်ရင်းနှီးမှုနှင့် နွေးထွေးပျူငှာမှုကို ပေါ်လွင်စေသည်မှာ ဧကန်မလွဲပင်။

တာချီလိတ်မြို့တွင် တိုင်းရင်းသားရိုးရာ နှစ်သစ်ကူးပွဲတော်များအဖြစ် အာခါ၊ လားဟူ၊ ရှမ်း စသည့် တိုင်းရင်းသားများအနေဖြင့် ပွဲတော်များ ကျင်းပပြုလုပ်လေ့ရှိသည်မှာ ထူးခြားမှုနှင့် စိတ်ဝင်စားမှုများ ပေါများလှသည်ကိုလည်း တွေ့ရှိရပြန်သည်။

ဤသည်က ၎င်းတို့၏ ရိုးရာဝတ်စုံ၊ ရိုးရာအစားအစာ၊ ရိုးရာဂီတ စသည်ဖြင့် ချစ်စဖွယ် အမွေအနစ်တွေနဲ့ အမြင်ဆန်းလှပါသည်။ ယနေ့ ပြုလုပ်သည့် နှစ်သစ်ကူးပွဲတော်တွင် အာခါတိုင်းရင်းသားများ၏ တစ်ဦးချင်းစီအလိုက် ၀တ်စုံများရဲ့ တန်ဖိုးမှာ ဈေးနှုန်းကြီးမားလှသည်ကိုလည်း သတိထားမိတယ်၊ ၎င်းတို့၏ ၀တ်စုံများပေါ်ရှိ ပန်းကနုတ်ဟု သတ်မှတ်ရမည့် အပွင့်အခက် အလှအပများကို များသောအားဖြင့် လက်ဖြင့်သာ သီကုံးထားသည့် ပန်းကုံးသဖွယ် သေသေချာချာပင် ချည်ဖြင့် ထိုးချုပ်၍ ပြုလုပ်ထားရကြောင်း သိရသည်။

ဝတ်စုံများရဲ့ တန်ဖိုးကြီးမှုနှင့် ပတ်သက်၍ အာခါတိုင်းရင်းသား တစ်ဦးအား မေးမြန်းသည့်အခါမှာ "တောရွာတွေမှာ အာခါတိုင်းရင်းသားတွေအနေနဲ့ ကိုယ်ဝတ်မဲ့ အင်္ကျီကို ကိုယ့်ဘာသာပဲ အကွက်ဖော်ချည်ထိုးပြီး ပွဲလမ်းသဘင်တွေမှာ ၀တ်ဆင်ကြပါတယ်၊ အဲ့လို အကွက်ဖော် ချည်ထိုးတဲ့အခါမှာလည်း သေသေချာချာ ထိုးရတာဆိုတော့ လက်ထိပ်လေးတွေ နာတတ်တာတွေ ဖြစ်တတ်ပါတယ်။ ဒါကြောင့် ကိုယ်တိုင်မထိုးပဲ ထိုးပြီးသား ၀ယ်မယ်ဆိုရင် ဈေးကြီးတာဖြစ်ပါလိမ့်မယ်။ ကိုယ့်ဘာသာ ထိုးထားတဲ့ ၀တ်စုံဆိုတော့ ပိုလို့ တန်ဖိုးထားတတ်ကြပါတယ်"ဟု ရှင်းပြပါသည်။

အ၀တ်အထည်များပေါ်တွင် ချည်မျှင်များဖြင့် ချုပ်လုပ်ထားတာ တခုတည်းမဟုတ်ပဲ ငွေပြားများ၊ ငွေပြားကို သွန်းလုပ်၍ ပန်းကနုတ်သဏ္ဍာန်များ စသည်ဖြင့် ပုံဖော်ဆန်းသစ်၍ တန်ဆာ ဆင်ထားကြသည်ကို
တွေ့ရှိရသူတိုင်း စိတ်ဝင်စားမှုရှိမည်မှာ မလွဲပါ။

တာချီလိတ်မြို့တွင် အာခါရိုးရာနှစ်သစ်ကူးပွဲတော်များနှင့် ပတ်သက်၍ ပထမအကြိမ်ကို (၂၀၀၈)ခုနှစ်က စတင်၍ ပြုလုပ်ကျင်းပခဲ့တာဖြစ်ပြီး ယခု (၂၀၁၃)ခုနှစ်တွင် အာခါရိုးရာ နှစ်သစ်ကူးပွဲတော် ကျင်းပလာခဲ့သည်မှာ (၆)ကြိမ်မြောက်ပြီ ဖြစ်ပါသည်။

ယနေ့ ပြုလုပ်သော ပွဲတော်နှင့် ပတ်သက်၍ "အခု (၆)ကြိမ်မြောက် အာခါနှစ်သစ်ကူးပွဲတော်ကို တာချီလိတ်မှာရှိတဲ့ အာခါတိုင်းရင်းသားတွေအပြင် တရုတ်၊ လာအို၊ ထိုင်း နဲ့ ရှမ်းပြည်နယ် အရှေ့ပိုင်းတစ်ခုလုံးက အာခါတိုင်းရင်းသားတွေ လာကြတာ၊ ပွဲတော်ပြုလုပ်တိုင်း တာချီလိတ်မှာ အစည်ကားဆုံးလို့ ပြောလို့ရတာပေါ့..."ဟု ပွဲတော်ကျင်းပရေး ကော်မတီဝင် တစ်ဦးကလည်း ပြောပြပါသည်။

အာခါတိုင်းရင်းသားတို့တွင် ယခုအခါမှာ ခေတ်ပညာတတ် လူငယ် မောင်မယ်များ များပြားလာလျှက်ရှိပြီး ကဏ္ဍအသီးသီးတို့တွင် ၎င်းတို့ တတ်စွမ်းသမျှကို ကြိုးစားလုပ်ဆောင်နေကြသလို အာခါတိုင်းရင်းသားများ နေထိုင်ရာ ရှမ်း(အရှေ့)နှင့် အိမ်နီးချင်းနိုင်ငံများမှ အာခါတိုင်းရင်းသားများအတွက် ရိုးရာယဉ်ကျေးမှု ဓလေ့စရိုက်များ မပျောက်မပျက်ရန်နှင့် အာခါစာပေနှင့်ပတ်သက်၍ အတည်တကျဖြစ်စေရန်အတွက် အာခါစာပေသင်ရိုးညွှန်းတမ်းကိုလည်း AQKAQ SANQ BOVQ DZAW DMQ (1+2) နှင့် Dawq Siq Paer Tanr (1+2)အဖြစ် ချမှတ် ထုတ်လုပ်ထားလိုက်ပြီ ဖြစ်ကြောင်းလည်း သိရသည်။

သတင်းဆောင်းပါးရှင် ။ ။ ကိုဇောင်း

ပုံများကိုကြည့်ရန်
(၆)ကြိမ်မြောက် အာခါရိုးရာ စုပေါင်းနှစ်သစ်ကူးပွဲ တာချီလိတ်၌ ဆင်နွှဲ

88 photos

107 photos

~⊱•❈❀ღ✿⊰❂⊱✿ღ❀❈•⊰~

Tachileik Online News

Facebook: www.fb.com/TachileikNews