အ.မ.က(တာလော့)၌ ပညာရည်ချွန်ဆုပေးပွဲနှင့် ပညာရေးစုံညီပွဲတော် ကျင်းပ

Thursday, January 9, 2014

အ.မ.က(တာလော့)၌ ပညာရည်ချွန်ဆုပေးပွဲနှင့် ပညာရေးစုံညီပွဲတော် ကျင်းပ

Writen by Tachileik News Agency 11:48 PM - 0 Comments

ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်၊ တာလော့ရပ်ကွက်ရှိ အခြေခံပညာမူလတန်းကျောင်း၏ ၂၀၁၂ - ၂၀၁၃ ခုနှစ် ပညာသင်နှစ် ပညာရည်ချွန်ဆုပေးပွဲ၊ ၂၀၁၃ - ၂၀၁၄ ခုနှစ် ပညာသင်နှစ် ဘက်စုံထူးချွန်ဆုပေးပွဲ နှင့် ပညာရေးစုံညီပွဲတော်ကို ယနေ့ ဇန်န၀ါရီလ(၁၀)ရက် နံနက်ပိုင်းက ကျင်းပပြုလုပ်ခဲ့ကြသည်။

ဖွင့်ပွဲအခမ်းအနားအား ကျောင်းသား၊ ကျောင်းသူများက "အောင်မြင်ပါစေ မြန်မာပြည်"သီချင်းဖြင့် ဖွင့်လှစ်ခဲ့ကြပြီး ဆန်ဆိုင်းကျောင်းအုပ်ဆရာကြီး ဦးဝင်းမြင့် က အဖွင့်အမှာစကား ပြောကြားပြီး
ကျောင်းအကျိုးတော်ဆောင် ဦးကျော်ငြိမ်းမှ ကျောင်းလုပ်ငန်းစဉ်များအား ရှင်းလင်းတင်ပြခြင်း တို့ကို ပြုလုပ်ခဲ့ကြသည်။

ယင်းနောက် ၂၀၁၂ - ၂၀၁၃ ခုနှစ် ပညာသင်နှစ်အတွက် ပညာရည်ထူးချွန်ဆု (၂၀)ဆု၊ ၂၀၁၃ - ၂၀၁၄ ခုနှစ် ပညာသင်နှစ် ဘက်စုံထူးချွန်ဆု (၁၂)ဆု အာဇာနည်နေ့ အထိမ်းအမှတ်ဆု (၂)ဆု၊ ကလေးများနေ့ အထိမ်းအမှတ်ဆု(၂)ဆု၊ နှုတ်မှုစွမ်းရည်ပြိုင်ပွဲဆု (၄)ဆု၊ စာပေနှင့်စာနယ်ဇင်းနေ့ အထိမ်းအမှတ် ဆု (၁)ဆု၊ World AIDS DAy အထိမ်းအမှတ်ဆု (၁)ဆု၊ သဘာဝပတ်ဝန်းကျင် ထိန်းသိမ်းရေးနေ့ အထိမ်းအမှတ်ဆု (၁)ဆု၊ ကမ္ဘာ့မသန်စွမ်းသူများနေ့ အထိမ်းအမှတ်ဆု(၁)ဆု၊ ပညာတန်ဆောင် ဆု (၁)ဆု၊ သချာင်္ထူးချွန်ဆု (၂)ဆု နှင့် လွတ်လပ်ရေးနေ့ အထိမ်းအမှတ်ဆု (၂)ဆု စသည့် ဆု (၄၉)ဆုကို ထူးချွန်ဆုရ ကျောင်းသား၊ ကျောင်းသူများအား မြို့နယ်အုပ်ချုပ်ရေးမှူး ဦးရဲထူး နှင့် သက်ဆိုင်ရာတာဝန်ရှိသူများက အသီးသီးပေးအပ်ချီးမြှင့် ခဲ့ကြသည်။

ဆက်လက်၍ အဆိုပါ ကျောင်းမှ ကျောင်းသား ကျောင်းသူများက တေးသရုပ်ဖော် သီချင်းများဖြင့် တက်ရောက်လာသည့် ဌာနဆိုင်ရာများ၊ လူမှုအဖွဲ့အစည်းများ၊ ကျောင်းအုပ်ဆရာကြီး၊ ဆရာမကြီးများ နှင့် ကျောင်းသားမိဘများအား ကပြဖျော်ဖြေခဲ့ကြသည်။

~⊱•❈❀ღ✿⊰❂⊱✿ღ❀❈•⊰~

Tachileik Online News

web: www.tachileik.net

Facebook: www.fb.com/TachileikNews

Youtube: www.youtube.com/TachileikNews

Email: tachileik@tachileik.net

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~