ကိုမင်းကိုနိုင် အပါအ၀င် ၈၈မျိုးဆက် ကျောင်းသားခေါင်းဆောင်များ နှင့် တာချီလိတ်မြို့သူ/သားတို့ အပြန်အလှန်ဆွေးနွေး

Tuesday, June 5, 2012

ကိုမင်းကိုနိုင် အပါအ၀င် ၈၈မျိုးဆက် ကျောင်းသားခေါင်းဆောင်များ နှင့် တာချီလိတ်မြို့သူ/သားတို့ အပြန်အလှန်ဆွေးနွေး

Writen by Tachileik News Agency 10:25 AM - 0 Comments

၈၈မျိုးဆက် ကျောင်းသားခေါင်းဆောင်များဖြစ်ကြသော ကိုမင်းကိုနိုင်၊ ကိုဌေးကြွယ်၊ ကိုပြုံးချို၊ ကိုဂျင်မီ၊ ကိုထွန်းမြင့်အောင်၊ ကိုသက်ဇော်၊ မနီလာသိန်းနှင့် မမီးမီးတို့သည် မနက်ပိုင်းတွင် တာချီလိတ်မြို့မှ ရှေ့နေများနှင့် အလင်းရောင်ပရဟိတအသင်း တို့အား တွေ့ဆုံ၍ အပြန်အလှန်ဆွေးနွေးခဲ့ကြသည်။

၎င်းတို့အနေဖြင့် ငြိမ်းချမ်းရေးနှင့် ပွင့်လင်းလူ့အဖွဲ့အစည်းတွေ့ဆုံဆွေးနွေးပွဲအခမ်းအနားကို တာချီလိတ်မြို့ရှိ ပါလျှံရပ်ကွက် လွမ်းမွန်းဘုန်းကြီးကျောင်း၌ ညနေ (၄)နာရီတွင် ကျင်းပမည်ဟု ရည်ရွယ်ထားသော်လည်း တာချီလိတ်မြို့ရှိ ရုံးဝန်ထမ်းများ၊ ကျောင်းကြိုပို့ မိဘများ၊ လက်လုပ်လက်စားသမားများ၏ တောင်းဆိုချက်အရ ညနေ(၅)နာရီခွဲလုမှသာ ကျင်းပဖြစ်ခဲ့သည်။

ထိုခမ်းအနားတွင် ရပ်နီးရပ်ဝေးမှ ပြည်သူ ပြည်သား အတော်တော်များများ တက်ရောက်ခဲ့ကြပြီး ၈၈မျိုးဆက် ကျောင်းသားခေါင်းဆောင်များ၏ ဟောပြောချက်များကို အားတက်တရော နားထောင်ကြပြီး လက်ခုပ်တီး၍ ထောက်ခံကြသူများ၊ ၀မ်းနည်းဝမ်းသာ ပီတိမျက်ရည်ကျကြသူများကိုလည်းတွေ့ရသည်။ လာရောက်နားထောင်သူများ၏ ပြောကြားချက်များတွင် “သူတို့တွေရဲ့ ပြောတဲ့စကားလုံးတွေက အရမ်းထိမိတာပဲ၊နားထောင်ရတာ ကြက်သီးမွှေးညှင်းတွေတောင်ထတယ်” စသည်ဖြင့် တစ်ယောက်တစ်မျိုးပြောဆို ချီးမွမ်းသံများကိုလည်း ကြားခဲ့ရသည်။

၎င်းတို့၏ ဟောပြောချက်များတွင် ပြည်သူများအနေဖြင့် မှန်ကန်သည့်လုပ်ရပ်များပေါ်တွင် မကြောက်ရွံ့စေရေး၊ ၀န်ထမ်းများအနေဖြင့် ပြည်သူများအပေါ်မျှတစွာ အုပ်ချုပ်စေရေး၊ တရားစီရင်သူများအနေဖြင့် မျှတသော တရားစီရင်ရေး၊ ကျောင်းအုပ်ကြီးနှင့်တကွ ကျောင်းဆရာ ဆရာမအနေဖြင့် ကျောင်းသားများအပေါ် မတရားမပြုကျင့်စေရေး နှင့် ပြည်သူများ လွတ်လွတ်လပ်လပ် ပြောဆိုနေထိုင်နိုင်ပြီး မိမိအနေဖြင့် မှန်ကန်သည်များကို ရဲဝံ့စွာပြောနိုင်စေရေးစသည်ဖြင့် နိုင်ငံရေးအသိအမြင် ဗဟုသုတများကို ပြောဆိုသွားခဲ့သည်။

❦ ❦ ❦ ❦ ❦ ❦ ❦ ❦ ❦ ❦ ❦

တာချီလိတ်မြို့ရှိ အမျိုးသားဒီမိုကရေစီအဖွဲ့ချုပ်မှ တာဝန်ရှိသူများနှင့် မိတ်ဆက်
❦ ❦ ❦ ❦ ❦ ❦ ❦ ❦ ❦ ❦ ❦

ကချင် မြန်မာငြိမ်းချမ်းရေးအတွက် လက်မှတ်ထိုးတောင်းဆို
❦ ❦ ❦ ❦ ❦ ❦ ❦ ❦ ❦ ❦ ❦

❦ ❦ ❦ ❦ ❦ ❦ ❦ ❦ ❦ ❦ ❦

ထို့နောက် တာချီလိတ်မြို့သူ မြိုသားများနှင့် အပြန်အလှန် လွတ်လပ်စွာပြောဆိုကြရာတွင် တာချီလိတ်မြို့သူ မြို့သားဘက်မှ

ပေါ်တာဆွဲသောကိစ္စ၊
ကျောင်းဆရာ ဆရာမများ အလှူငွေကောက်ခံသည့်ကိစ္စ၊
မီတာကိစ္စ၊
မြေကွက်ကိစ္စ၊
တရားစီရင်ရေးကိစ္စ နှင့်
ဘာသာရေးဖြစ်သော တရားပွဲပြုလုပ်ရာတွင် လျှောက်လွှာများကို ဌာနအသီးသီးသို့ လျှောက်လွှာတင်နေရာခြင်းကိစ္စ

စသည်များကို တစ်ဦးတစ်ယောက်ချင်းစီ ထပြောကြသောအခါ ကိုမင်းကိုနိုင် ဦးဆောင်၍ ၈၈မျိုးဆက် ကျောင်းသားခေါင်းဆောင်များမှ လိမ္မာပါးနပ်စွာ ဖြေကြားခဲ့ကြသည်။ ထိုဖြေကြားချက်သည် ပြည်သူများအတွက် အားရကျေနပ်ဖွယ်ဖြစ်သည်ဟု ကြားသိရသည်။ အပြန်အလှန် တွေ့ဆုံဆွေးနွေးပွဲအပြီးတွင် ယခုလို ပွဲကြီးဖြစ်မြောက်အောင် ကူညီပေးခဲ့ကြသည် တာချီလိတ်မြို့ရှိ အမျိုးသားဒီမိုကရေစီအဖွဲ့ချုပ်မှ တာဝန်ရှိသူများနှင့် တာချီလိတ်မြို့သူ မြို့သားများကို ၈၈မျိုးဆက် ကျောင်းသားခေါင်းဆောင်မျာမှ မိတ်ဆက်ပေးခဲ့ကြပြီး ပြည်တွင်းစစ်တစ်ခုဖြစ်သော ကချင်ပြည်နယ်စစ်ပွဲအား စစ်သလင်းမှ ငြိမ်းချမ်းရေးစီသို့ အမြန်ဆုံးရောက်ရှိစေရန်အတွက် ၈၈မျိုးဆက် ကျောင်းသားခေါင်းဆောင်များမှ တဆင့် တာချီလိတ်မြို့သူ မြို့သားများက လက်မှတ်ထိုး တောင်းဆိုခြင်းကိုလည်း ပြုလုပ်ခဲ့ကြသည်။

ယနေ့ပြုလုပ်သော အခမ်းအနားသည် အကြောက်တရားမှ မကြောက်တရားသို့ ဟောပြောသော တာချီလိတ်မြို့၏ ပထမဦးဆုံးသော ပွင့်လင်းစွာပြောကြဆိုကြသည့် ပွဲကြီးတစ်ပွဲဖြစ်စေခဲ့ပါသည်။