တာချီလိတ်မြို့နယ် အမျိုးသားဒီမိုကရေစီအဖွဲ့ချုပ်မှ ခရိုင်ညီလာခံကျင်းပရေးကော်မရှင်အဖွဲ့ ကိုယ်စားလှယ်လောင်း(၆)ဦးရွေးချယ်

Saturday, July 7, 2012

တာချီလိတ်မြို့နယ် အမျိုးသားဒီမိုကရေစီအဖွဲ့ချုပ်မှ ခရိုင်ညီလာခံကျင်းပရေးကော်မရှင်အဖွဲ့ ကိုယ်စားလှယ်လောင်း(၆)ဦးရွေးချယ်

Writen by Tachileik News Agency 11:26 PM - 0 Comments

တာချီလိတ်မြို့နယ်ရှိ အမျိုးသားဒီမိုကရေစီအဖွဲ့ချုပ်မှ ခရိုင်ညီလာခံကျင်းပရေးကော်မရှင်အဖွဲ့ ကိုယ်စားလှယ်လောင်း နေရာအတွက် ရွေးချယ်ခံ(၁၀)ဦးအနက် (၆)ဦးကို အတည်ပြု
ရွေးချယ်ခဲ့ကြောင်း သတင်းရရှိပါသည်။

ရှမ်းပြည်နယ် ညီလာခံကျင်းပရေးကော်မရှင် တာချီလိတ်မြို့နယ် အမျိုးသားဒီမိုကရေစီအဖွဲ့ချုပ် ခရိုင်ညီလာခံကျင်းပရေးကော်မရှင်အဖွဲ့ကိုယ်စားလှယ်လောင်းနေရာအတွက် ဆန္ဒမဲရွေးချယ်ပွဲ အခမ်းအနားကို ၇.၇.၂၀၁၂ ရက်နေ့ နံနက် (၁၀)နာရီမှ ည(၈)နာရီထိ ပြုလုပ်ကျင်းပခဲ့ကြသည်။

ခရိုင်ညီလာခံကျင်းပရေးကော်မရှင်အဖွဲ့ ကိုယ်စားလှယ်လောင်းနေရာအတွက် ၀င်ရောက်ရွေးချယ်သူများမှာ
( ၁၀ )ဦး ဖြစ်သည်ဟုသိရသည်။
ရွေးချယ်ခံ(၁၀)ဦး နှင့် မဲရလဒ်များ -

( ၁ ) ဦးစိုင်းဆိုင်တွီ ( ရမဲ - ၁၅၁ မဲ )
( ၂ ) ဦးတင်မြင့်ဝင်း ( ရမဲ - ၁၁၄ မဲ )
( ၃ ) ဦးစိုင်းလုံစံခတ် ( ရမဲ - ၁၅၄ မဲ )
( ၄ ) ဦးကျာရင် ( ရမဲ - ၁၀၀ မဲ )
( ၅ ) ဒေါ်စိုးဥမ္မာ ( ရမဲ - ၁၁၂ မဲ )
( ၆ ) ဒေါ်ခင်ဌေးဝင်း ( ရမဲ - ၁၄၆ မဲ )
( ၇ ) ဦးစိုးလင်းအောင် ( ရမဲ - ၅၄ မဲ )
( ၈ ) ဦးကျော်လွင်ဦး ( ရမဲ - ၁၁၇ မဲ )
( ၉ ) ဦးနေမျိုးထွေး ( ရမဲ - ၅၅ မဲ )
( ၁၀ ) ဦးစည်သူ ( ရမဲ - ၅၂ မဲ )

တို့ ဖြစ်ကြပြီး အထက်ပါ( ၁၀ )ဦးအနက် ရမဲအများဆုံး ( ၆ )ဦးကိုသာ ရွေးချယ်ခဲ့ကြသည်။

( ၁၀ )ဦးမှ ရွေးချယ်ထားသော ( ၆ )ဦး၏ အမည်စာရင်းမှာ

( ၁ ) ဦးစိုင်းလုံစံခတ် ( ရမဲ - ၁၅၄ မဲ )
( ၂ ) ဦးစိုင်းဆိုင်တွီ ( ရမဲ - ၁၅၁ မဲ )
( ၃ ) ဒေါ်ခင်ဌေးဝင်း ( ရမဲ - ၁၄၆ မဲ )
( ၄ ) ဦးကျော်လွင်ဦး ( ရမဲ - ၁၁၇ မဲ )
( ၅ ) ဦးတင်မြင့်ဝင်း ( ရမဲ - ၁၁၄ မဲ )
( ၆ ) ဒေါ်စိုးဥမ္မာ ( ရမဲ - ၁၁၂ မဲ )

တို့ဖြစ်ကြောင်းသိရသည်။

ဝင်ရောက်ရွေးချယ်ခံ( ၁၀) ဦး စာရင်းတွင် လားဟူတိုင်းရင်းသား(၁)ဦးနှင့် ရှမ်းတိုင်းရင်းသား(၂)ဦး ပါဝင်ကြောင်းလည်း တွေ့ရှိရပါသည်။

ယခုလအတွင်းတွင် ကျင်းပမည်ဟု မျှော်မှန်းထားသော မြို့နယ် ညီလာခံကျင်းပရေးကော်မရှင်အဖွဲ့ ကိုယ်စားလှယ်လောင်းနေရာ အတွက် ရွေးချယ်ပွဲအခမ်းအနားနှင့် ရပ်ကျေးညီလာခံကျင်းပရေးကော်မရှင်အဖွဲ့ ကိုယ်စားလှယ်လောင်းနေရာအတွက် ရွေးချယ်ပွဲ တို့ကိုလည်း ကျင်းပပြုလုပ်ဖြစ်ကြောင်း သိရှိရသည်။ သို့သော်လည်း ထိုအခမ်းအနားကိုပြုလုပ်ရန်အတွက် ရက်အတိအကျမသိရှိရသေးကြောင်း NLD မှ တာဝန်ရှိသူတစ်ဦးက ပြောသည်။

ဒီလှိုင်းဂျာနယ်နှင့် NLD အမှတ်တရပစ္စည်းများကို ၀ယ်ယူနိုင်သည်
NLD မှ ထုတ်ဝေဖြန့်ချီလျက်ရှိသော ဒီလှိုင်းဂျာနယ်ကို တာချီလိတ်မြို့ရှိ အမျိုးသားဒီမိုကရေစီအဖွဲ့ချုပ်ရုံးတွင် သွားရောက်ဝယ်ယူနိုင်ကြောင်းလည်းသိရသည်။ တစ်စောင်ကို ဘတ်ငွေ(၂၀)ဖြင့်သာ
ရောင်းချပေးလျက်ရှိသည်ဟု အသင်းဝင်တစ်ဦးမှ ပြောကြားလာသည်။ NLD နှင့်ပတ်သက်သော အမှတ်တရပစ္စည်းများကိုလည်း ၎င်းတို့၏ ရုံးတွင် သွားရောက် ၀ယ်ယူနိုင်ကြောင်းလည်း သိရသည်။ ရုံး၏ တည်နေရာမှာ စိန်ချယ်လက်ဖက်ရည်ဆိုင်အနီး ရွှေတိဂုံဘုရားအောက်ဖက်လမ်း၊ ကောင်းကောင်း စားသောက်ဆိုင်အနောက်ဖက်တွင် ဖြစ်ပါသည်။