Writen by
Tachileik News Agency
6:09 AM
-
0
Comments
ဇွန်လ(၁၁)ရက်နေ့ နေ့လည်(၂)နာရီခန့်တွင် တာချီလိတ်မြို့ လွယ်တော်ခမ်း ပူးပေါင်းစစ်ဆေးရေးဂိတ်အနီး၌ ရေနစ်သေဆုံးသူ အလောင်းတစ်လောင်းအား တွေ့ရှိရကြောင်း သိရှိရသည်။
ဖြစ်စဉ်မှာ ဟွေနမ့်လင်းကျေးရွာနေ အသက်(၁၄)နှစ်အရွယ် မောင်အလီးပုသည် လွယ်တော်ခမ်း ပူးပေါင်းစစ်ဆေးရေးဂိတ်အနီးရှိ ဦးကိုချစ်၏ သဲစုပ်စက်ဘေး မယ်ဆိုင်ချောင်းအတွင်း ပိုက်ကွန်ဖြင့် ငါးဖမ်းနေစဉ်မှာ လူသေအလောင်း၏ ခြေထောက်အား ပိုက်ကွန်ဖြင့် ငြိပြီး လူသေအလောင်းတစ်လောင်း ပေါ်လာသည်ကို တွေ့ရှိရ၍ မောင်အလီးပုမှ နီးစပ်ရာသို့ အကြောင်းကြားခဲ့ရာ တာချီလိတ်ရဲစခန်းမှ စခန်းမှူး ရဲအုပ် တင်ဌေး နှင့် နယ်ထိန်းတပ်ဖွဲ့ဝင်များ အပါအ၀င် ကျေးရွာအုပ်ချုပ်ရေးအဖွဲ့တို့သည် လူသေအလောင်း ရှိရာနေရာသို့ သွားရောက်ခဲ့ကြပြီး အလောင်းအား ကုန်းပေါ်သို့ သယ်ယူကာ စစ်ဆေးမှုများပြုလုပ်ခဲ့ကြသည်။ထိုသို့ စစ်ဆေးမှုများပြုလုပ်ရာ သေဆုံးသူ၌ ဒဏ်ရာ အနာတရ တစ်စုံတစ်ရာ ရရှိခြင်းမရှိဘဲ သေဆုံးတာဖြစ်တာကြောင့် ရေချောင်းအား ဖြတ်ကူးစဉ် ရေနစ်သေဆုံးသည်ဟု ယူဆရပြီး သေဆုံးသူမှာ ပါလျှံ(၁)နေ ဦးဝင်းဇော်ဖြစ်ရာ အလုပ်အကိုင်မှာ ကီလိုကောက်သူဖြစ်ပြီး မူးယစ်ဆေးဝါးသုံးစွဲသူဖြစ်ကြောင်းလည်း စုံစမ်းသိရှိသိရသည်။
အဆိုပါ အလောင်းအား နေ့လည်(၂း၃၀)အချိန်မှာ တာချီလိတ်ဆေးရုံသို့ သယ်ဆောင်သွားခဲ့ကြပြီး စစ်ဆေးမှုများပြုလုပ်လျှက်ရှိကြောင်း သိရှိရသည်။
Social Buttons