အဆွေတော်မိသားစု (၂၄)နာရီ အထူးကုဆေးခန်းမှ ရဟန်းသံဃာများနှင့် ဘာသာခြား သာသနာပြု ပုဂ္ဂိုလ်များအတွက် ရာသက်ပန် ဇီဝိတဒါန အခမဲ့ ကုသ

Sunday, December 15, 2013

အဆွေတော်မိသားစု (၂၄)နာရီ အထူးကုဆေးခန်းမှ ရဟန်းသံဃာများနှင့် ဘာသာခြား သာသနာပြု ပုဂ္ဂိုလ်များအတွက် ရာသက်ပန် ဇီဝိတဒါန အခမဲ့ ကုသ

Writen by Tachileik News Agency 11:26 PM - 0 Comments

တာချီလိတ်မြို့တွင် ပထမဦးဆုံး (၂၄)နာရီ ကျန်းမာရေး စောင့်ရှောက်မှုအဖြစ် ဖွင့်လှစ်ထားရှိသော အဆွေတော်မိသားစု (၂၄)နာရီ အထူးကုဆေးခန်းတွင် ပြင်ပလူနာအဖြစ် လာရောက် ကုသကြသော ဗုဒ္ဓဘာသာအနွယ်ဝင် သက်တော်ရှည် ဆရာတော်ဘုရားကြီးများ၊ ရဟန်းသံဃာတော်များ၊ သီလရှင်ဆရာလေးများ အပါအ၀င် အခြား ဘာသာရေးအဖွဲ့အစည်းများမှ သိက္ခာတော်ရ ဆရာတော်ကြီးများ၊ သင်းအုပ်ဆရာများ၊ ဘာသာရေးအသင်းအဖွဲ့များမှ ဆရာတော်များကို ဇီဝိတဒါနအဖြစ် ရာသက်ပန် အထွေထွေ ကျန်းမာရေးစောင့်ရှောက်မှုပေးပြီး အခမဲ့ ကုသပေးနေကြောင်း သိရသည်။

အဆွေတော်မိသားစု (၂၄)နာရီ အထူးကုဆေးခန်းအား ဖွင့်လှစ်လာခဲ့သည်မှာ တစ်နှစ်ကျော်ပြီဖြစ်ပြီး ပြီးခဲ့သော အောက်တိုဘာလအတွင်းက တစ်နှစ်ပြည့်သွားခဲ့ပြီဖြစ်ရာ ယခုကဲ့သို့ သာသနာပြု ရဟန်းသံဃာတော်များအား ဇီဝိတဒါန ကျန်းမာရေးစောင့်ရှောက်မှုအဖြစ် တစ်နှစ်အတွင်း လူနာပေါင်း (၁၀၁၈)ဦး တို့ကို အခမဲ့ ကုသပေးခဲ့ရာ ကုန်ကျစရိတ် စုစုပေါင်း ထိုင်းဘတ်ငွေ ၁၃သိန်း နီးပါးခန့် ကုသိုလ်ယူဒါနပြု ကုသဆောင်ရွက်ပေးနိုင်ခဲ့ကြောင်း အဆွေတော်မိသားစု (၂၄)နာရီ အထူးကုဆေးခန်း ပိုင်ရှင်ဖြစ်သူ ဦးတင်လှိုင်၏ ပြောကြားချက်အရ သိရသည်။

{တစ်နှစ်ပြည့် အခမ်းအနားမှ ရုပ်သံမှတ်တမ်းအား ပြန်လည်ဖော်ပြပေးလိုက်ပါသည်}

ထိုသို့ အခမဲ့ လာရောက် ကုသမှုခံယူရာတွင် မျက်စိဝေဒနာရှင်များအတွက် မျက်စိခွဲစိတ်အထူးကု ဆရာဝန်ကြီးကိုယ်တိုင် မျက်စိစမ်းသပ်ဆေးမှုကို အခမဲ့ ဆောင်ရွက်ပေးပြီး မျက်မှန်တပ်ရန် လိုအပ်ပါက နိုင်ငံတကာအဆင့်မီပစ္စည်းများကို (၃၀)ရာခိုင်နှုန်း ဈေးနှုန်းဖြင့် လျော့ချပေးသွားမှာ ဖြစ်ကြောင်း သိရသည်။

" အဆွေတော်မိသားစု (၂၄)နာရီ အထူးကုဆေးခန်းအနေနဲ့ ဆေးခန်းကြီးတည်ရှိနေသမျှ ကာလပတ်လုံး သာသနာပြု ဆရာတော်များ၊ ရဟန်းသံဃာတော်များအပြင် အခြားဘာသာရေးခေါင်းဆောင်တွေကိုလည်း အခမဲ့ ကျန်းမာရေးစောင့်ရှောက်မှုတွေပေးသွားဖို့ စီစဉ်ထားပါတယ်၊ အဲ့ဒီအတွက်လည်း ဘုန်ကြီးကျောင်းတွေ နဲ့ သက်ဆိုင်ရာ နေရာအသီးသီးတွေမှာ အသိပေး ကြော်ငြာစာရွက်တွေ ဝေနေပါတယ်"ဟု အဆွေတော်မိသားစု (၂၄)နာရီ အထူးကုဆေးခန်း ပိုင်ရှင်ဖြစ်သူ ဦးတင်လှိုင်က တာချီလိတ်အွန်လိုင်းသို့ ရှင်းပြသည်။

အဆွေတော်မိသားစု (၂၄)နာရီ အထူးကု ဆေးခန်းတွင် နား၊ နှာခေါင်း၊ လည်ချောင်း၊ နှလုံး၊ အရိုးအကြော၊ သားဖွား နှင့် အထွေထွေရောဂါများအား အထူးကု ဆရာဝန်ကြီးများဖြင့် ကုသပေးလျှက်ရှိရာ လူနာများအတွက် အဆင်ပြေချောမွေ့စေရန် နှင့် စိတ်ကျေနပ်မှု ရှိစေရန်အတွက် ကျန်းမာရေး စောင့်ရှောက်မှုပေးနေသော တာချီလိတ်မြို့၏ ပထမဦးဆုံး (၂၄)နာရီ အဆင့်မြင့် အထူးကုဆေးခန်းဖြစ်ပြီး အဆိုပါ ဆေးခန်းအား တာချီလိတ်မြို့၊ မဟာမြတ်မုနိ ဘုရားကြီးကျောင်းတိုက် မြောက်ဘက်မုခ်ဦးအနီး၊ မဟာဗောဓိကုန်းနှင့် ရွှေတိဂုံအတက်လမ်း မကာဟိုခမ်းရပ်ကွက်မှာ ဖွင့်လှစ်ထားကြောင်း သိရှိရပါသည်။

"အဆွေတော်မိသားစု (၂၄)နာရီ အထူးကုဆေးခန်း"၏ လစဉ်အလိုက် အထွေထွေ အခမဲ့ ဆေးဝါးကုသမှုများ၏ စာရင်းများကိုလည်း ဖော်ပြပေးလိုက်ပါသည်။