လူမှုကူညီရေးအသင်း (တာချီလိတ်)၊ ရွှေတာချီ ခရီးသွားလုပ်ငန်းမှ အသင်းသားစုံညီ ပွဲ၌ ဘတ် တစ်သိန်းကျော် တန်ဖိုးရှိ ဆုမဲပေါင်း၈၉၅ဆု မဲဖေါက်ပေး

Wednesday, February 12, 2014

လူမှုကူညီရေးအသင်း (တာချီလိတ်)၊ ရွှေတာချီ ခရီးသွားလုပ်ငန်းမှ အသင်းသားစုံညီ ပွဲ၌ ဘတ် တစ်သိန်းကျော် တန်ဖိုးရှိ ဆုမဲပေါင်း၈၉၅ဆု မဲဖေါက်ပေး

Writen by Tachileik News Agency 11:56 AM - 0 Comments

အစိမ်းနုရောင် ၀တ်စကုတ်အင်္ကျီ၏ ကျောဖက်တွင် "ရွှေတာချီလိတ် ခရီးသွားလုပ်ငန်း"စာတန်း တံဆိပ်ရိုက်နိပ်ကာ ၀တ်ဆင်၍ ခရီးတို၊ ခရီးရှည် တို့ကို ခရီးသည်များ စိတ်တိုင်းကျ လိုက်ပါပို့ဆောင်ပေးနေသော ဆိုင်ကယ် Taxi ပြေးဆွဲသူများ၏ မိခင်အသင်းဖြစ်သည့် လူမှုကူညီရေးအသင်း(တာချီလိတ်)၊ ရွှေတာချီခရီးသွားလုပ်ငန်းသည် ယနေ့ ဖေဖော်ဝါရီလ (၁၂)ရက် ပြည်ထောင်စုနေ့မှာ ဒုတိယအကြိမ်အဖြစ် အသင်းသားစုံညီ မိတ်ဆုံစားပွဲနှင့် အသင်း၏ ရန်ပုံငွေဖြင့် ဗလာမပါ ကံစမ်းမဲ စုမဲပေါင်း (၈၉၅)ဆု ကို ဆိုင်ကယ် Taxi ပြေးဆွဲသူ အသင်းသားများအား အခမဲ့ မဲဖေါက်ပေးသည့် အခမ်းအနားအား နံနက် (၁၀)နာရီမှာ စတင်၍ ကျင်းပပြုလုပ်ခဲ့ကြသည်။

ထိုသို ကျင်းပပြုလုပ်ရာတွင် အခမ်းအနားသို့ တက်ရောက်လာသည့် ဌာနဆိုင်ရာ အကြီးအကဲများထဲမှ ခရိုင်အုပ်ချုပ်ရေးမှူး ဦးသောင်းတင်ထွေးက လူမှုကူညီရေးအသင်းနှင့် ပတ်သက်၍ အမှာစကား ပြောကြားသွားပြီး ရွှေတာချီခရီးသွားလုပ်ငန်း ဥက္ကဌ ဦးစိုင်းကျော်ဇံက ရွှေတာချီခရီးသွားလုပ်ငန်း၏ လုပ်ငန်းဆောင်ရွက်ချက်များနှင့် နှစ်ချုပ်ဘဏ္ဍာရေးစာရင်းများအား ရှင်းလင်တင်ပြ ဖတ်ကြားသွားခဲ့သည်။

ဆက်လက်၍ ရွှေတာချီခရီးသွားလုပ်ငန်းအပေါ် အသင်းသားတစ်ဦးဖြစ်သူ မိုးသောက်ကြယ်ဂိတ်မှူး ဦးမင်းသူမှ ရင်တွင်းခံစားချက်များကို ပြောကြားသွားပြီး လူမှုရေးနှင့်ကယ်ဆယ် ကူညီမှုများတွင် ပါဝင် ကူညီဆောင်ရွက်ပေးခဲ့သော အသင်းသားများ နှင့် စံပြဂိတ်မှူးအဖြစ် ရွေးချယ်ခံရသည့် စံပြဂိတ်မှူးတို့အား တက်ရောက်လာသည့် အကြီးအကဲများက ဂုဏ်ပြုမှတ်တမ်းလွှာများ အသီးသီးပေးအပ်ချီးမြင့်ခဲ့ကြသည်။

ယင်းနောက် အခမ်းအနားသို့ တက်ရောက်လာသည့် ကော်မတီဝင်များနှင့် အသင်းသားများ အပါအ၀င် (၇၀၀)ကျော်တို့မှ မိတ်ဆုံစားပွဲပြုလုပ်ကြပြီး ဗလာမပါ ကံစမ်းမဲ အစီအစဉ်အား စတင်ခဲ့ကြသည်။

{ ရုပ်သံ တင်ဆက်မှု }
ဗလာမပါ ကံစမ်းမဲတွင် ပထမဆု အဖြစ် TV နှင့် အောက်စက် တစ်စုံ၊ ဒုတိယဆုအဖြစ် TV တစ်လုံး၊ကျန်ဆုမဲများအဖြစ် စလောင်း (၃)ခု၊ DVD စက် (၂၀)လုံး၊ ထမင်းပေါင်းအိုး (၂၀)လုံး၊ ဆိုင်ကယ်ဦးထုပ် (၆၀)လုံး၊ တာယာ (၈၀)လုံး၊ ဘရိတ်ရှုး (၉၀)ခု၊ အင်ဂျင်ဝိုင် (၂၈၈)ဗူး နှင့် ကျွတ် (၃၃၂) စုစုပေါင်း ဆုမဲပေါင်း (၈၉၅)ဆုရှိရာ အဆိုပါ ဆုမဲများ၏ တန်ဖိုးငွေမှာ ထိုင်းဘတ်ငွေ တစ်သိန်းသုံးထောင်ဘတ် ရှိကြောင်း သိရသည်။

ရွှေတာချီခရီးသွားလုပ်ငန်းသည် ဆိုင်ကယ် Taxi ပြေးဆွဲသူ အသင်းသားများ၏ ကျန်းမာရေး နှင့် နာရေးကိစ္စတို့အား ကူညီထောက်ပံ့ပေးလျှက်ရှိပြီး ဖျားနာ၍ နားနေရပါက လစာအနားပေးထားမှာဖြစ်ပြီး အသည်းအသန်ဖြစ်ပေါ်လာသူများအား ကျန်းမာရေး စောင့်ရှောက်ရန်အတွက် ထောက်ပံ့ပေးမှုများဖြင့် ကူညီဆောင်ရွက်ပေးလျှက်ရှိကြောင်း သိရသည်။

"အသင်းသားတွေထဲမှာလည်း ကျောင်းသားတွေ ရှိတယ်၊ တစ်ချို့ကျောင်းသားတွေဆိုရင် အဝေးသင်သွားတက်ဖို့ ၃-၄လ ကြာမယ်ဆိုရင် အသင်းရုံးကို လာရောက် အကြောင်းကြားပေးရပါမယ်၊ ဒါမှလည်း ကျွန်တော်တို့က သိပြီး လစာအနားပေးထားလို့ရမှာ"ဟု ရွှေတာချီခရီးသွားလုပ်ငန်းမှ ကော်မတီဝင်တစ်ဦးက တာချီလိတ်အွန်လိုင်းသို့ ပြောပြသည်။

"ဒီနေ့ အသင်းရဲ့ နှစ်ပတ်လည် အစီအစဉ် နှစ်ခုလုံးကို သဘောကျတယ်၊ နေ့လည်စာစားဖို့ စီစဉ်ထားတာရယ်၊ ဗလာမပါ ကံစမ်းမဲနှိုက်ပေးတာတွေပေါ့၊ နောက်နှစ်တွေလည်း
ဒီထက်မက ဆုမဲတွေ အများကြီးနဲ့ လုပ်နိုင်ပါစေလို့ မျှော်လင့်ပါတယ်"ဟု ဆိုင်ကယ် Taxi ပြေးဆွဲသူ အသင်းသားတစ်ဦးမှ တာချီလိတ်အွန်လိုင်းသို့ ပြောသည်။

လူမှုကူညီရေးအသင်း(တာချီလိတ်)၏ ရွှေတာချီ ခရီးသွားလုပ်ငန်းမှ ဆိုင်ကယ် Taxi အသင်းသားများ အနေဖြင့် ဆိုင်ကယ်ပြေးဆွဲခြင်း လုပ်ငန်းအား "ရွှေတာချီ ခရီးသွားလုပ်ငန်း"အမည်ဖြင့် (၁၅.၂.၂၀၁၃)မှစ၍ ပြေးဆွဲခဲ့တာဖြစ်ကြောင်း သိရှိရသည်။

ပုံများကိုကြည့်ရန်
လူမှုကူညီရေးအသင်း(တာချီလိတ်)ရွှေတာချီခရီးသွားလုပ်ငန်းအသင်းသားစုံပွဲ

80 photos

~⊱•❈❀ღ✿⊰❂⊱✿ღ❀❈•⊰~

Tachileik Online News

web: www.tachileik.net

Facebook: www.fb.com/TachileikNews

Youtube: www.youtube.com/TachileikNews

Email: tachileik@tachileik.net

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~