တာလေမြို့နယ်ခွဲရှိ အမျိုး ဘာသာ သာသနာ ကိုယ်သာ စောင့်ရှောက်ရာ တရားပွဲဖြစ်မြောက်ရေးအဖွဲ့မှ ပထမအကြိမ် အထူးတရားပွဲ (၃)ညကျင်းပ

Thursday, November 15, 2012

တာလေမြို့နယ်ခွဲရှိ အမျိုး ဘာသာ သာသနာ ကိုယ်သာ စောင့်ရှောက်ရာ တရားပွဲဖြစ်မြောက်ရေးအဖွဲ့မှ ပထမအကြိမ် အထူးတရားပွဲ (၃)ညကျင်းပ

Writen by Tachileik News Agency 7:50 PM - 0 Comments

ရှမ်းပြည်နယ်အရှေ့ပိုင်း တာလေမြို့နယ်ခွဲရှိ အမျိုး ဘာသာ သာသနာ ကိုယ်သာ စောင့်ရှောက်ရာ တရားပွဲဖြစ်မြောက်ရေးအဖွဲ့မှ ကြီးမှူးကျင်းပသည့် ပထမဆုံးအကြိမ်မြောက် အထူးတရားပွဲကို အမှတ်(၃၁၆)တပ်ရင်းရှေ့ရှိ ဘောလုံးကွင်းထဲမှာ ပြုလုပ်လျှက်ရှိပါတယ်။

တာလေမြို့နယ်ခွဲတွင် တရားဟောကြားမည့်ဆရာတော်များနှင့် သတ်မှတ်ရက်များမှာ

    ၁) ရွှေလင်းယုန်ဆရာတော်
    ဘဒ္ဒန္တအရ၀ိန္ဒာဘိဝံသ အဂ္ဂမဟာသဒ္ဓမဇောတိကဓဇ
    ( ၁၅.၁၁.၂၀၁၂)

    ၂) အရှင်တိက္ခသာရ
    သာသနာ့ဓဇဓမ္မာစရိယ
    (၁၇.၁၁.၂၀၁၂)

    ၃) အရှင်ခေမိန္ဒ
    နယ်လှည့်ဓမ္မကထိက ( စစ်ကိုင်း၊ ခင်မကန်)
    (၁၉.၁၁.၂၀၁၂)

တို့ဖြစ်ကြပြီး တရားပွဲမှာ တစ်ရက်ခြားကျင်းပတာဖြစ်ပါတယ်။

တာလေမြို့နယ်ခွဲရှိ အမျိုး ဘာသာ သာသနာ ကိုယ်သာ စောင့်ရှောက်ရာ တရားပွဲဖြစ်မြောက်ရေးအဖွဲ့မှ ယခုလို ကွင်းပြင်ကျယ်ကြီးတွင် ကျင်းပပြုလုပ်သည်မှာ ပထမဆုံးအကြိမ်ဖြစ်ပေမဲ့လည်း ယခင်နှစ်က ဘုန်းကြီးကျောင်းထဲမှာသာ ကျင်းပခဲ့ဖူးတာဖြစ်တယ်လို့ သိရပါတယ်။

တာလေမြို့နယ်ခွဲတွင် ယခုလို တရားပွဲမျိုး နှစ်စဉ်ပြုလုပ်လေ့ ပြုလုပ်ဖူးလေ့မရှိတဲ့အတွက် လူကြီး လူငယ်များနှင့် အလှူရှင်များ၏ ပူးပေါင်းဆောင်ရွက် ကျင်းပနိုင်မှုကြောင့် ဒေသခံ တရားနာပရိသတ်များမှ ၀မ်းသာပီတိကျေးဇူးတင်ကြကြောင်းလည်း သိရှိခဲ့ရပါတယ်။

အဆိုပါတရားပွဲသို့ တာချီလိတ်မြို့ရှိ အမျိုး ဘာသာ သာသနာ ကိုယ်သာ စောင့်ရှောက်ရာ တရားပွဲဖြစ်မြောက်ရေးအဖွဲ့မှလည်း သွားရောက်ကူညီပေးခဲ့ကြပါတယ်။

တာလေမြို့နယ်ခွဲတွင် လူမှုကူညီရေးအသင်းအဖွဲ့များအနေဖြင့် ရှားရှားပါးပါး တစ်ခုတည်းသော အသင်း တစ်သင်းရှိကြောင်း တွေ့ရှိခဲ့ရပါတယ်။ အဆိုပါအသင်း၏ လုပ်ဆောင်ချက်မှာ သာရေး နာရေး ဘာသာရေး နှင့် လူမှုရေးလုပ်ငန်းများကို လုပ်ဆောင်နေလျှက်ရှိပြီး နာရေးကူညီမှုအနေဖြင့် နာရေးကူညီမှု(၁၄)ခု ကူညီဆောင်ရွက်ပေးခဲ့ကြပြီး လူမှုအကျိုးအနေဖြင့် အ.ထ.က(တာလေမြို့နယ်ခွဲ)ကျောင်းတွင်လည်း သန့်ရှင်းရေးများ ပြုလုပ်ခဲ့ပြီးကြောင်း သိရှိရပါတယ်။