Writen by
Tachileik News Agency
5:25 AM
-
0
Comments
ဩဂုတ်လ ၄ ရက် နံနက် ၃နာရီမှ စတင်ကာ မိုးအဆက်မပြတ်ရွာသွန်းပြီး ပန်ဟတ်ချောင်းမှ တောင်ကျရေများ စီးဆင်းလာမှုကြောင့် တာချီလိတ်မြို့နယ် မိုင်းကိုးကျေးရွာအုပ်စုအတွင်းရှိ ဟွေရန်း(၁)၊ ဟွေရန်း(၂)၊ ဆီလီငေါ့၊ ၀မ်ကဲကျေးရွာများတွင် ရေ ၅ပေခန့်အထိ မြင့်တက်ခဲ့ကာ နေအိမ်များ ရေလွှမ်းမိုးခြင်းခံခဲ့ရပါသည်။.jpg)
မိုးအဆက်မပြတ်ရွာသွန်းခဲ့မှုကြောင့် နေအိမ်အချို့၏ အုတ်တံတိုင်းများ ပြိုကျခြင်းများရှိခဲ့သည်မှအပ နေအိမ် အဆောက်အအုံများ ပျက်စီးခြင်း၊ လူနှင့်တိရိစ္ဆာန်များ ထိခိုက်သေကျေခြင်းမရှိခဲ့သလို တောင်သုံးလုံးကျေးရွာအနီးရှိ တာချီလိတ်-ကျိုင်းတုံ ပြည်ထောင်စုလမ်းမကြီးဘေး တောင်နံရံတွင် ပေါက်ရောက်လျှက်ရှိသော သစ်ပင်ငယ်အချို့ ရေတိုက်စားခံရကာ လမ်းမကြီးပေါ်သို့ ကျရောက်ခဲ့သော်လည်း သက်ဆိုင်ရာတာဝန်ရှိသူတို့မှ အချိန်မီရှင်းလင်းပေးခဲ့သည့်အတွက် ယာဉ်သွားလာမှု ပြတ်တောက်ခြင်း မရှိခဲ့ပါ။
.jpg)
မိုးရွာသွန်းမှုကြောင့် နံနက် ၁၀နာရီအချိန်အထိ တိုင်းထွာချက်အရ မိုးရေချိန် ၂.၇၄ လက်မအထိရှိခဲ့ပြီး တာချီလိတ်-ကျိုင်းတုံ ပြည်ထောင်စုလမ်းမကြီး မိုင်တိုင်အမှတ် ၁၂၇ တွင် လမ်းမကြီးပေါ်သို့ ၁ပေခန့် ရေကျော်ခဲ့ပြီး မွန်းတည့် ၁၂း၃၀နာရီ အချိန်တွင် ရေပြန်ကျသွားခဲ့ကာ ဆက်သွယ်ရေး ပြတ်တောက်မှုမရှိခဲ့ပါ။
.jpg)
.jpg)
.jpg)
မွန်းလွဲ ၂နာရီခန့်တွင် ရေလုံးဝကျဆင်းသွားခဲ့ပြီး ရေ၀င်ရောက်မှုကြောင့် နှုံးများ အမှိုက်များတင်ကျန်နေသည့် ဘုန်းတော်ကြီးကျောင်း၊ စာသင်ကျောင်းများအား ဦးစီးအရာရှိ ဦးအောင်ကျော်နိုင် ဦးဆောင်သည့် မြန်မာနိုင်ငံမီးသတ်တပ်ဖွဲ့ဝင်များမှ မီးသတ်ယာဉ်၊ရေသယ်ယာဉ်များဖြင့် သန့်ရှင်းရေးဆောင်ရွက်ပေးခဲ့ပြီး ရေ၀င်ရောက်မှုကြောင့် ပျက်စီးဆုံးရှုံးခဲ့ရသော လယ်ယာမြေစာရင်းများအား ခရိုင်နှင့်မြို့နယ် မြေစာရင်းဦးစီးဌာနမှ စစ်ဆေးကောက်ယူလျှက်ရှိကာ မိုးစပါးစိုက်ရာသီအမီ ပြန်လည်စိုက်ပျိုးနိုင်ရေးအတွက် သက်ဆိုင်ရာ ဒေသအာဏာပိုင်အဖွဲ့မှ စီစဉ်ဆောင်ရွက် လျှက်ရှိကြောင်း သိရှိရပါသည်။
သတင်းပေးပို့သူ။ ။ မောင်ယဉ်ကျေး
58 photos
Social Buttons